Áleýmettik jeli qoldanýshysy Áset Kakimov Qýandyq Bishimbaevqa qatysty rezonansty sot protsesinde memlekettik aiyptaýshy bolǵan burynǵy áriptesi Aijan Aimaǵanovanyń depýtattyqqa kandidat retinde usynylýyna qoldaý bildirdi. Ol Instagram paraqshasynda arnaiy beinerolik jariialap, burynǵy prokýrorǵa erekshe syi usynǵan, dep habarlaidy dalanews.kz.
"Aijan hanymdy erekshe qurmetteimiz. Depýtat bolýyna qoldaý bildiremin. Qyzdardyń ǵana emes, búkil halyqtyń namysyn qorǵap, el igiligi úshin aianbai eńbek etetinine senemin. Biz sizdi qoldaimyz", – dep jazdy Áset Kakimov.
Jariialanǵan videoda Aijan Aimaǵanovaǵa arnaiy ázirlengen syi usynylyp, onyń aldaǵy saiasi qyzmetine sáttilik tilegeni kórinedi. Jeli qoldanýshylary da jazba astynda burynǵy prokýrorǵa qoldaý bildirip, jańa bastamasyna sáttilik tilegen.
Buǵan deiin Aijan Aimaǵanova "Ádilet" partiiasynyń atynan Quryltai depýtattyǵyna kandidat retinde usynylǵanyn jáne osyǵan bailanysty prokýratýra organdaryndaǵy qyzmetinen ketkenin málimdegen edi. Onyń aitýynsha, quqyq qorǵaý organynyń qyzmetkeri saiasi partiia quramynda bola almaityndyqtan, jumystan shyǵý týraly sheshim zań talabyna sáikes qabyldanǵan.
"Kandidat bolyp usynylýyma bailanysty prokýratýradan jumystan shyqtym. Bul – zańnyń talaby, men ony tolyq oryndadym", – degen edi Aimaǵanova.
Ol bul qadamǵa sanaly túrde barǵanyn aityp, prokýratýra salasynda jinaǵan bilimi men kásibi tájiribesin zań shyǵarý qyzmetinde paidalanýǵa nietti ekenin jetkizdi. Sondai-aq azamattardy tolǵandyratyn máselelerdi sheshýge úles qosyp, qoǵammen ashyq dialog júrgizýge daiyn ekenin málimdedi.
