"Jańa adamdar" qozǵalysy 12 jasar qyzben jynystyq qatynasqa túspek bolǵan pedofildi ustady, - dep habarlaidy Dalanews.kz.
Pedofil "Jańa adamdardyń" belsendileri júrgizgen áleýmettik eksperiment kezinde ustalǵan. Tájiribege kámelet jasyna tolǵan, qozǵalys múshesi qatysqan. Ol tanymal messendjerde paraqsha ashyp, jasyn 12 dep belgilegen. Kishkentaĭ qyz birden birneshe adammen tanysqan. Olar jazyp otyrǵan kishkentai qyz ekenine de qaramaǵan.
Bar-joǵy birneshe saǵat ishinde azǵyndar pasyq usynystar jasai bastaǵan. Aralaryndaǵy eń batyly - ózin «Nariman» dep tanystyrǵan jas jigit boldy. Ol balaǵa jynystyq qatynasty ashyq túrde usyna bastaǵan. Qyzdyń abdyrap, bul ne degen saýalyna Nariman: «Sen tósekke jatasyń, qalǵanyn sol kezde kórsetemin», – dep jaýap berdi. Jas máselesi pedofildi alańdatpady da. Jazǵan hatynda ol: «Men jaĭ ǵana jynystyq qatynasqa tússem bolǵany, tipti sen 2 aĭlyq bolsań da, senen bas tartpaĭmyn», - degen.
Azǵyn - Astana qalasynyń turǵyny 24 jastaǵy Nariman Býrambaĭ bolyp shyqty. Nariman birneshe kún boĭy óz degeninen qaĭtpaĭ, kezdesýdi usynǵan.
Qozǵalys belsendileri oǵan bul kezdesýdi uĭymdastyryp berdi. Pedofil kinorýmda kezdesýdi usynǵan. Alaĭda, onymen kezdesýge 12 jasar qyzdyń ornyna birneshe ondaǵan "Jańa adamdar" belsendileri keldi.
"Belsendilerdiń ornynda shyn kishkentaĭ bala bolsa, ne bolatynyn elestetýdiń ózi qorqynyshty. Qazaqstan Respýblikasynyń Qylmystyq kodeksinde 124-bap – «On alty jasqa tolmaǵan adamdardy azǵyndyq jolǵa túsirý» týraly qamtidy. «124» azamattyq naýqanynyń belsendileribalalardyń qaýipsizdigi úshin áleýetti pedofilderdi anyqtap, olardyń esimderin jariia etýdi jalǵastyrady. Kez kelgen azǵyn kezdesýge kóndiretin balanyń ornyna rezeńke buĭymdary bar, onyń betine basýǵa qaýqarly, shymyr jigitter kelýi múmkin ekenin jaqsylap este saqtaýy kerek", - deidi qozǵalys belsendileri.
