Astana halyqaralyq áýejaiy qala balansyna ótti, - dep habarlaidy Dalanews.kz.
Bul týraly Astana ákimdigi habarlady.
"Terminals Astana Airport Management LLP arab kompaniiasymen jasalǵan senimgerlik basqarý shartynyń merziminiń aiaqtalýyna bailanysty «Nursultan Nazarbaev halyqaralyq áýejaiy» AQ aktsiialarynyń 100 paiyzy Astana qalasynyń kommýnaldyq menshigine ótti", - delingen habarlamada.
2025 jyldyń 7 qańtarynda merzimi aiaqtalǵan senimgerlik basqarý sharty 2023 jyldyń 7 qarashasynan bastalǵan.
Elordalyq áýejai aktsiialarynyń iesiniń ózgerýin eskere otyryp, qazirgi ýaqytta elorda ákimdigi men «Terminals Astana Airport Management» JShS arasynda senimgerlik basqarýdyń jańa shartyn jasasýǵa daiyndyq júrip jatyr.
