«Qazgidromet» mamandarynyń aitýynsha qalada qar shamadan tys jaýǵan. Aitalyq qysta bir aida jaýǵan qardyń mólsheri 22 mm aspaǵan. Al osy joly úsh kúnde jaýǵan qardyń mólsheri 37,6 mm jetken. Osydan-aq, Astanadaǵy kommýnaldyq qyzmettiń qandai qarqynmen jumys istegenin ańǵarýǵa bolady.
Kommýnaldyq qyzmetterdiń kúsheitilgen rejimde jumys istegeniniń arqasynda qalada anaý aitqandai kollaps jaǵdai oryn alǵan joq.
Qar kúreý jumysyna kún saiyn 2,2 myńnan astam jol jumysshy, myńnan astam arnaiy tehnika jumyldyrylǵan.
17 sáýirge qaraǵan túni elordadan 23 myń tekshe metrden astam qar nemese 1 671 júk kóligi qar shyǵarylǵan.
Qys bastalǵaly beri búgingi kúnge deiin qala shetindegi poligondarǵa 4 million tekshe metrge jýyq qar shyǵarylǵan (bul 318 myńnan astam reis).
Aýa raiynyń kúrt nasharlaýyna bailanysty qalada kólik qozǵalysy birshama tómendedi.
Tótenshe jaǵdailardyń aldyn alý úshin júrgizýshiler men jolaýshylar óte muqiiat bolyp, qaýipsiz qashyqtyqty saqtaýy mańyzdy.
