«قازگيدرومەت» ماماندارىنىڭ ايتۋىنشا قالادا قار شامادان تىس جاۋعان. ايتالىق قىستا بٸر ايدا جاۋعان قاردىڭ مٶلشەرٸ 22 مم اسپاعان. ال وسى جولى ٷش كٷندە جاۋعان قاردىڭ مٶلشەرٸ 37,6 مم جەتكەن. وسىدان-اق, استاناداعى كوممۋنالدىق قىزمەتتٸڭ قانداي قارقىنمەن جۇمىس ٸستەگەنٸن اڭعارۋعا بولادى.
كوممۋنالدىق قىزمەتتەردٸڭ كٷشەيتٸلگەن رەجيمدە جۇمىس ٸستەگەنٸنٸڭ ارقاسىندا قالادا اناۋ ايتقانداي كوللاپس جاعداي ورىن العان جوق.
قار كٷرەۋ جۇمىسىنا كٷن سايىن 2,2 مىڭنان استام جول جۇمىسشى, مىڭنان استام ارنايى تەحنيكا جۇمىلدىرىلعان.
17 سەۋٸرگە قاراعان تٷنٸ ەلوردادان 23 مىڭ تەكشە مەتردەن استام قار نەمەسە 1 671 جٷك كٶلٸگٸ قار شىعارىلعان.
قىس باستالعالى بەرٸ بٷگٸنگٸ كٷنگە دەيٸن قالا شەتٸندەگٸ پوليگوندارعا 4 ميلليون تەكشە مەترگە جۋىق قار شىعارىلعان (بۇل 318 مىڭنان استام رەيس).
اۋا رايىنىڭ كٷرت ناشارلاۋىنا بايلانىستى قالادا كٶلٸك قوزعالىسى بٸرشاما تٶمەندەدٸ.
تٶتەنشە جاعدايلاردىڭ الدىن الۋ ٷشٸن جٷرگٸزۋشٸلەر مەن جولاۋشىلار ٶتە مۇقييات بولىپ, قاۋٸپسٸز قاشىقتىقتى ساقتاۋى ماڭىزدى.
