Elorda turǵynyna qatysty sot úkimi shyqty, dep habarlaidy dalanews.kz.
Ol áleýmettik jelide ádeii jalǵan aqparat taratyp, zańsyz jolmen aqsha jinamaq bolǵan. Biyl aqpanda ol anonimdi túrde jariialaǵan jazbada áskeri qyzmet kezinde ózine jynystyq zorlyq-zombylyq jasalǵanyn oidan shyǵaryp, ómirine qaýip tónip turǵanyn aityp, shetelge ketý úshin qarjylai kómek suraǵan. Jazbaǵa aqsha aýdarýǵa arnalǵan bank rekvizitterin de qosa kórsetken.
Áleýmettik jelini paidalanýshylardyń biriniń shaǵymynan keiin tekseris júrgizilgen, osylaisha jariialanǵan aqparat shyndyqqa sáikes kelmeitini anyqtalǵan. Sondai-aq, sottalǵan adam eshqashan áskeri qyzmet ótemegeni belgili boldy. Ol aqsha jinaý úshin mán-jaidy bilmeitin 17 jastaǵy tanysynyń bank shotyn paidalanǵan. Eki kún ishinde bul shotqa 15-ten asa aqsha aýdarymy túsken.
Tergep-tekserý barysynda kúdikti jalǵan aqparatty tek aqsha tabý maqsatynda jariialaǵanyn moiyndady. Alaiaqtyq jáne kórineý jalǵan aqparat taratý deregi boiynsha qylmystyq is qozǵaldy.
Sot sheshimimen ol kináli dep tanylyp, 3 jylǵa bas bostandyǵynan aiyryldy.
