Qalalyq tótenshe jaǵdailar departamenti men politsiia departamenti birlesip ótkizgen bul arnaýly tekserý jumysyna «Amanat» partiiasynyń «Jastar rýhy» qanatynyń eriktileri de qatysty. Olar 4 topqa bólinip Almaty aýdanyndaǵy qonaq úilerdiń, jataqhanalardyń órt qaýipsizdigin, tosyn jaǵdailarǵa tótep berý daiyndyǵyn tekserdi.
Tekserý barysynda órt qaýipsizdigine nemquraidy qarǵan kásipkerlerge eskertý jasalyp, túsindirý júrgizildi.
Órtten saqtaný jaily jadynamalar taratylyp, tosyn jaǵdailardyń aldyn alý sharalary túsindiriledi.
Astanada órt qaýipsizdigin saqtaý boiynsha túsindirý jumysy udaiy júrgizip keledi. Biyl tamyz aiynan beri órt qaýipsizidigin saqtaý qyzmetkerleri 31 myńnan asatam turyǵyn úidi aralap, tilsiz jaýdyń aldyn alýǵa qatysty saýattyq bilimderdi túsindirgen.
– Biyl jyl basynan beri Astanada 549 órt ketý oqiǵasy tirkeldi. Ótken jyldarmen salystyrǵanda órt oqiǵalary azaiǵany baiqalady. Degenmen turǵyndar da, kásipkerler de barlyq qaýipsizdik erejelerin saqtaýy kerek.
Adamdardyń ómiri men densaýlyǵyna eshteńe qaýip tóndirmeýi kerek.
Biyl bas qalamyzda turǵyn úi aýmaqtarynda 223 ret órt oqiǵasy bolyp, 12 adam qaza taýyp, 27 adam jaralanǵan, 38 adam ys-tútekten zardap shekken. Sondyqtan jataqhanalar, shaǵyn qonaq úiler bolsyn, eń aldymen, órt qaýipsizdigin saqtaýǵa erekshe kóńil bólýi kerek. Órt bola qalǵan jaǵdaida belgi beretin dabyl júiesiniń bolýy aiyryqsha mańyzdy, – dedi Astana qalasy tótenshe jaǵdailar departamenti memlekettik órt baqylaý basqarmasy basshysynyń mindetin atqarýshy Madiiar Myrzakeldiev.
Reid barysynda Almaty aýdanyndaǵy 20 shaǵyn qonaq úige tekserý júrgizildi.
Tótenshe jaǵdailar departamentiniń deregi boiynsha, búgingi tańda Astana qalasy boiynsha resmi túrde 229 qonaq úi men 80 hostel jumys isteidi.
Qalalyq tótenshe jaǵdailar departamenti men politsiia departamenti aldaǵy ýaqytta osy oryndarda órt qaýipsizdigin saqtaý boiynsha túsindirý júrgizedi. Aýla aralaý kezinde politsiia ókilderi men tótenshe jaǵdai qyzmetiniń mamandary jataqhana jáne basqa da kommertsiialyq qyzmet úshin paidalanylatyn turǵyn úilerge erekshe nazar aýdardy.
