قالالىق تٶتەنشە جاعدايلار دەپارتامەنتٸ مەن پوليتسييا دەپارتامەنتٸ بٸرلەسٸپ ٶتكٸزگەن بۇل ارناۋلى تەكسەرۋ جۇمىسىنا «Amanat» پارتيياسىنىڭ «جاستار رۋحى» قاناتىنىڭ ەرٸكتٸلەرٸ دە قاتىستى. ولار 4 توپقا بٶلٸنٸپ الماتى اۋدانىنداعى قوناق ٷيلەردٸڭ, جاتاقحانالاردىڭ ٶرت قاۋٸپسٸزدٸگٸن, توسىن جاعدايلارعا تٶتەپ بەرۋ دايىندىعىن تەكسەردٸ.
تەكسەرۋ بارىسىندا ٶرت قاۋٸپسٸزدٸگٸنە نەمقۇرايدى قارعان كەسٸپكەرلەرگە ەسكەرتۋ جاسالىپ, تٷسٸندٸرۋ جٷرگٸزٸلدٸ.
ٶرتتەن ساقتانۋ جايلى جادىنامالار تاراتىلىپ, توسىن جاعدايلاردىڭ الدىن الۋ شارالارى تٷسٸندٸرٸلەدٸ.
استانادا ٶرت قاۋٸپسٸزدٸگٸن ساقتاۋ بويىنشا تٷسٸندٸرۋ جۇمىسى ۇدايى جٷرگٸزٸپ كەلەدٸ. بيىل تامىز ايىنان بەرٸ ٶرت قاۋٸپسٸزٸدٸگٸن ساقتاۋ قىزمەتكەرلەرٸ 31 مىڭنان اساتام تۇرىعىن ٷيدٸ ارالاپ, تٸلسٸز جاۋدىڭ الدىن الۋعا قاتىستى ساۋاتتىق بٸلٸمدەردٸ تٷسٸندٸرگەن.
– بيىل جىل باسىنان بەرٸ استانادا 549 ٶرت كەتۋ وقيعاسى تٸركەلدٸ. ٶتكەن جىلدارمەن سالىستىرعاندا ٶرت وقيعالارى ازايعانى بايقالادى. دەگەنمەن تۇرعىندار دا, كەسٸپكەرلەر دە بارلىق قاۋٸپسٸزدٸك ەرەجەلەرٸن ساقتاۋى كەرەك.
ادامداردىڭ ٶمٸرٸ مەن دەنساۋلىعىنا ەشتەڭە قاۋٸپ تٶندٸرمەۋٸ كەرەك.
بيىل باس قالامىزدا تۇرعىن ٷي اۋماقتارىندا 223 رەت ٶرت وقيعاسى بولىپ, 12 ادام قازا تاۋىپ, 27 ادام جارالانعان, 38 ادام ىس-تٷتەكتەن زارداپ شەككەن. سوندىقتان جاتاقحانالار, شاعىن قوناق ٷيلەر بولسىن, ەڭ الدىمەن, ٶرت قاۋٸپسٸزدٸگٸن ساقتاۋعا ەرەكشە كٶڭٸل بٶلۋٸ كەرەك. ٶرت بولا قالعان جاعدايدا بەلگٸ بەرەتٸن دابىل جٷيەسٸنٸڭ بولۋى ايىرىقشا ماڭىزدى, – دەدٸ استانا قالاسى تٶتەنشە جاعدايلار دەپارتامەنتٸ مەملەكەتتٸك ٶرت باقىلاۋ باسقارماسى باسشىسىنىڭ مٸندەتٸن اتقارۋشى مادييار مىرزاكەلديەۆ.
رەيد بارىسىندا الماتى اۋدانىنداعى 20 شاعىن قوناق ٷيگە تەكسەرۋ جٷرگٸزٸلدٸ.
تٶتەنشە جاعدايلار دەپارتامەنتٸنٸڭ دەرەگٸ بويىنشا, بٷگٸنگٸ تاڭدا استانا قالاسى بويىنشا رەسمي تٷردە 229 قوناق ٷي مەن 80 حوستەل جۇمىس ٸستەيدٸ.
قالالىق تٶتەنشە جاعدايلار دەپارتامەنتٸ مەن پوليتسييا دەپارتامەنتٸ الداعى ۋاقىتتا وسى ورىنداردا ٶرت قاۋٸپسٸزدٸگٸن ساقتاۋ بويىنشا تٷسٸندٸرۋ جٷرگٸزەدٸ. اۋلا ارالاۋ كەزٸندە پوليتسييا ٶكٸلدەرٸ مەن تٶتەنشە جاعداي قىزمەتٸنٸڭ ماماندارى جاتاقحانا جەنە باسقا دا كوممەرتسييالىق قىزمەت ٷشٸن پايدالانىلاتىن تۇرعىن ٷيلەرگە ەرەكشە نازار اۋداردى.
