Memleket basshysy Tájikstan prezıdenti Emomalı Rahmonmen kezdesý ótkizdi, dep habarlaıdy Dalanews.kz.
Qasym-Jomart Toqaev Óńirlik ekologıalyq samıtke jáne Halyqaralyq Araldy qutqarý qory quryltaıshy memleketteri keńesiniń otyrysyna qatysý úshin Astanaǵa kelgen Tájikstan prezıdenti Emomalı Rahmonmen kezdesti.
Memleketter basshylary qazaq-tájik qarym-qatynasynyń qazirgi jaı-kúıi men perspektıvasyn talqylap, eki el arasyndaǵy strategıalyq seriktestik deńgeıin kóterýge kelisti.
Áńgimelesý barysynda saýda-ekonomıka jáne sý-energetıka salalaryndaǵy yntymaqtastyqqa erekshe nazar aýdaryldy.
Taraptar buǵan deıin joǵary deńgeıde qol jetkizilgen ýaǵdalastyqtardy tolyq iske asyrý mańyzdy ekenin atap ótti.
Sondaı-aq, Qasym-Jomart Toqaev pen Emomalı Rahmon óńirlik jáne halyqaralyq kún tártibindegi ózekti máseleler jóninde pikir almasty.
Sonymen qatar, Ózbekstan prezıdenti Shavkat Mırzıóev te óńirlik ekologıalyq samıtke qatysý úshin Astanaǵa keldi.
Odan bólek elordaǵa Qyrǵyzstan, Túrikmenstan, sondaı-aq, Tájikstan jáne Armenıa prezıdentteri kelgen bolatyn.
