مەملەكەت باسشىسى تاجىكستان پرەزيدەنتى ەمومالي راحمونمەن كەزدەسۋ وتكىزدى، دەپ حابارلايدى Dalanews.kz.
قاسىم-جومارت توقايەۆ وڭىرلىك ەكولوگيالىق سامميتكە جانە حالىقارالىق ارالدى قۇتقارۋ قورى قۇرىلتايشى مەملەكەتتەرى كەڭەسىنىڭ وتىرىسىنا قاتىسۋ ءۇشىن استاناعا كەلگەن تاجىكستان پرەزيدەنتى ەمومالي راحمونمەن كەزدەستى.
مەملەكەتتەر باسشىلارى قازاق-تاجىك قارىم-قاتىناسىنىڭ قازىرگى جاي-كۇيى مەن پەرسپەكتيۆاسىن تالقىلاپ، ەكى ەل اراسىنداعى ستراتەگيالىق سەرىكتەستىك دەڭگەيىن كوتەرۋگە كەلىستى.
اڭگىمەلەسۋ بارىسىندا ساۋدا-ەكونوميكا جانە سۋ-ەنەرگەتيكا سالالارىنداعى ىنتىماقتاستىققا ەرەكشە نازار اۋدارىلدى.
تاراپتار بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردى تولىق ىسكە اسىرۋ ماڭىزدى ەكەنىن اتاپ ءوتتى.
سونداي-اق، قاسىم-جومارت توقايەۆ پەن ەمومالي راحمون وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.
سونىمەن قاتار، وزبەكستان پرەزيدەنتى شاۆكات ميرزيويەۆ تە وڭىرلىك ەكولوگيالىق سامميتكە قاتىسۋ ءۇشىن استاناعا كەلدى.
ودان بولەك ەلورداعا قىرعىزستان، تۇرىكمەنستان، سونداي-اق، تاجىكستان جانە ارمەنيا پرەزيدەنتتەرى كەلگەن بولاتىن.
