Semeiden elimizdiń iri qalalaryna qatynaityn turaqty áýe reisteriniń sany artady. Biylǵy 27 sáýirden «Semei-Astana-Semei» baǵytynda syiymdylyǵy 48 oryndyq «An-24» ushaǵy jolaýshylardy tasymaldai bastaidy, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Reisti «Iýjnoe nebo» áýe kompaniiasy júzege asyrady. Semeiden Astanaǵa ushý ýaqyty – keshki saǵat 18:15, Astanadan Semeige ushý ýaqyty – keshki saǵat 21:15.
Bul týraly oblys ákimi Berik Ýáli Semeidegi halyqaralyq áýejaidyń jumysymen tanysý barysynda aitty.
– Jolaýshylardyń ótinishin eskere otyryp Kólik ministrligi, áýe kompaniiasy jáne oblys ákimdiginiń úsh jaqty kelisimi nátijesinde osyndai ýaǵdalastyqqa qol jetkizdik. 10 mamyrǵa deiin aptasyna úsh reis oryndalady. Al mamyrdyń ortasynan bastap ushý jiiligi aptasyna 5 retke deiin ulǵaiady. Áýe kompaniiasynyń quryltaishylary bolashaqta jaz mezgilinde qatynaityn jańa ushaqtardy jelige shyǵaratynyn aityp otyr. Aldaǵy ýaqytta Qaraǵandy baǵytynda sýbsidiialanatyn jańa áýe reisin ashý josparymyzda bar. Qazirgi ýaqytta Kólik ministrligimen kelissóz júrgizilýde, – dedi aimaq basshysy.
Biylǵy 1 mamyrdan bastap «Almaty-Semei-Almaty» (aptasyna úsh ret), «Astana-Semei-Astana» (aptasyna bir ret) baǵyttarynda qosymsha reis engiziledi. Budan bólek 1 maýsymnan bastap «FlyArystan» áýe kompaniiasy «Shymkent – Semei – Shymkent» baǵyty boiynsha jańa reisti iske qospaq.
Jolaýshylar aptasyna 2 ret, dúisenbi jáne beisenbi kúnderi qatynaityn bolady. Sondai-aq, osy kúnnen "Skat" áýe kompaniiasy "Almaty-Úrjar-Almaty", "Astana-Úrjar-Astana" reisterin árqaisysyn aptasyna 6 retten oryndai bastaidy.
Qazirgi ýaqytta Semei qalasynan «Semei – Almaty», «Semei – Astana» jáne «Semei – Úrjar» baǵyttary boiynsha turaqty áýe reisteri oryndalýda. Atalǵan reisterdi «FlyArystan» jáne «Iýjnoe nebo» áýe kompaniialary júzege asyryp keledi.
