Áleýmettik jelide tanymal mektep direktory Aqmonshaq Nurtaza otbasyndaǵy qýanyshty sátimen bólisti. Ol Instagram-paraqshasynda ápkesiniń qyzyn uzatyp, shyǵaryp salǵanyn jazdy, dep habarlaidy dalanews.kz.
Aqmonshaq Nurtaza jelige qyz uzatý sátinen video jariialap, jas jubailarǵa aq tilegin arnady.
"Apamnyń qyzyn uzatyp, shyǵaryp saldyq. Baqytty bol, altynym. Án Jazira Baiyrbekova apaidyń ruqsatymen oryndaldy", – dep jazdy ol.
Jeli qoldanýshylary bul jazbaǵa jyly pikir qaldyryp, uzatylǵan qyzǵa baqyt tiledi. Kópshilik qazaqy dástúrmen ótken erekshe sáttiń áserli bolǵanyn aityp, Aqmonshaq Nurtazanyń aqjarma tilegine qosyldy.
Aqmonshaq Nurtazaqyzy – áleýmettik jelide keńinen tanylǵan ustaz ári mektep basshysy. Ol Astana qalasyndaǵy №58 mektep-gimnaziiasynyń direktory retinde kópshilikke belgili. Jelide oqýshylarmen erkin sóilesip, bilim berý salasyndaǵy kreativti tásilderimen tanylǵan. Aqmonshaq Nurtazaqyzy ózin tek basshy emes, balalarmen ortaq til tabysýǵa tyrysatyn pedagog retinde kórsetip júr. Ol kópbalaly ana retinde de otbasylyq qundylyqtardy jii nasihattaidy. Kópshilik ony ashyq minezi, ulttyq bolmysqa jaqyndyǵy jáne ómirge pozitivti kózqarasy úshin jaqsy tanidy.
