Qyrǵyzstannyń Pervomai aýdandyq sotynda "75 isi" boiynsha sot protsesi jalǵasyp jatyr. Aiyptalýshylardyń qatarynda Memlekettik ulttyq qaýipsizdik komitetiniń burynǵy tóraǵasy Qamshybek Táshiev, eks-bas prokýror Qurmanqul Zulýshev, Parlamenttiń burynǵy tóraǵasy Nurlanbek Turǵynbekuly jáne ózge de tulǵalar bar, dep habarlaidy dalanews.kz.
Sot jaryssózi kezinde memlekettik aiyptaýshylar barlyq aiyptalýshyǵa toǵyz jylǵa bas bostandyǵynan aiyrý jazasyn taǵaiyndaýdy suraǵan.
Qazir sotta taraptardyń jaryssózi jalǵasyp jatyr. Aiyptalýshylardyń advokattary óz ýájin keltirip jatyr.
Advokat Ikramidin Aitqulovtyń sózinshe, sot otyrysy kezinde Qamshybek Táshiev memlekettik aiyptaýshylarǵa taǵylǵan aiyptan bas tartýdy usynǵan. Advokattar bul usynysty qoldaǵanymen, prokýratýra ókilderi eshqandai jaýap bermegen.
Buǵan deiin advokat Táshievke Qyrǵyzstan Qylmystyq kodeksiniń "Bilikti kúshpen basyp alý nemese ustap turý, sondai-aq, konstitýtsiialyq qurylysty kúshpen ózgertýge baǵyttalǵan áreketter" jáne "Qyzmettik ókilettigin asyra paidalaný" baptary boiynsha aiyp taǵylǵanyn málimdegen edi.
