قىرعىزستاننىڭ پەرۆوماي اۋداندىق سوتىندا "75 ٸسٸ" بويىنشا سوت پروتسەسٸ جالعاسىپ جاتىر. ايىپتالۋشىلاردىڭ قاتارىندا مەملەكەتتٸك ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى قامشىبەك تەشيەۆ, ەكس-باس پروكۋرور قۇرمانقۇل زۇلۋشەۆ, پارلامەنتتٸڭ بۇرىنعى تٶراعاسى نۇرلانبەك تۇرعىنبەكۇلى جەنە ٶزگە دە تۇلعالار بار, دەپ حابارلايدى dalanews.kz.
سوت جارىسسٶزٸ كەزٸندە مەملەكەتتٸك ايىپتاۋشىلار بارلىق ايىپتالۋشىعا توعىز جىلعا باس بوستاندىعىنان ايىرۋ جازاسىن تاعايىنداۋدى سۇراعان.
قازٸر سوتتا تاراپتاردىڭ جارىسسٶزٸ جالعاسىپ جاتىر. ايىپتالۋشىلاردىڭ ادۆوكاتتارى ٶز ۋەجٸن كەلتٸرٸپ جاتىر.
ادۆوكات يكراميدين ايتقۇلوۆتىڭ سٶزٸنشە, سوت وتىرىسى كەزٸندە قامشىبەك تەشيەۆ مەملەكەتتٸك ايىپتاۋشىلارعا تاعىلعان ايىپتان باس تارتۋدى ۇسىنعان. ادۆوكاتتار بۇل ۇسىنىستى قولداعانىمەن, پروكۋراتۋرا ٶكٸلدەرٸ ەشقانداي جاۋاپ بەرمەگەن.
بۇعان دەيٸن ادۆوكات تەشيەۆكە قىرعىزستان قىلمىستىق كودەكسٸنٸڭ "بيلٸكتٸ كٷشپەن باسىپ الۋ نەمەسە ۇستاپ تۇرۋ, سونداي-اق, كونستيتۋتسييالىق قۇرىلىستى كٷشپەن ٶزگەرتۋگە باعىتتالعان ەرەكەتتەر" جەنە "قىزمەتتٸك ٶكٸلەتتٸگٸن اسىرا پايدالانۋ" باپتارى بويىنشا ايىپ تاعىلعانىن مەلٸمدەگەن ەدٸ.
