Astana men Almaty qalalarynda IIM men UQK qyzmetkerleri aýyr jáne asa aýyr qylmystarǵa qatysy bar qylmystyq top múshelerin ustady, dep habarlaidy Dala News.
Quqyq qorǵaý organdarynyń málimetinshe, kúdiktilerge adam urlaý, bopsalaý jáne bótenniń múlkin qasaqana joiý baptary boiynsha aiyp taǵylyp otyr. Tergeý materialdaryna sáikes, Almatydaǵy epizodtardyń birinde qylmystyq top músheleri jergilikti turǵyndy kúsh qoldanyp alyp ketip, odan 12 mln teńge talap etken.
Sonymen qatar, biznes ókilderine qysym kórsetý, avtokólikterdi qasaqana órtteý arqyly qorqytý derekteri de anyqtalǵan. Arnaiy operatsiia barysynda 20-dan astam tintý júrgizilip, iri kólemdegi aqsha qarajaty, sýyq qarý jáne ózge de zattai aiǵaqtar tárkilendi.
Qazirgi tańda alty kúdikti ýaqytsha ustaý izoliatoryna qamaldy. Qylmystyq toptyń basqa da epizodtarǵa qatysy bar-joǵy tekserilip jatyr. Jedel-tergeý sharalary jalǵasýda.
