استانا مەن الماتى قالالارىندا ءىىم مەن ۇقك قىزمەتكەرلەرى اۋىر جانە اسا اۋىر قىلمىستارعا قاتىسى بار قىلمىستىق توپ مۇشەلەرىن ۇستادى، دەپ حابارلايدى Dala News.
قۇقىق قورعاۋ ورگاندارىنىڭ مالىمەتىنشە، كۇدىكتىلەرگە ادام ۇرلاۋ، بوپسالاۋ جانە بوتەننىڭ مۇلكىن قاساقانا جويۋ باپتارى بويىنشا ايىپ تاعىلىپ وتىر. تەرگەۋ ماتەريالدارىنا سايكەس، الماتىداعى ەپيزودتاردىڭ بىرىندە قىلمىستىق توپ مۇشەلەرى جەرگىلىكتى تۇرعىندى كۇش قولدانىپ الىپ كەتىپ، ودان 12 ملن تەڭگە تالاپ ەتكەن.
سونىمەن قاتار، بيزنەس وكىلدەرىنە قىسىم كورسەتۋ، اۆتوكولىكتەردى قاساقانا ورتتەۋ ارقىلى قورقىتۋ دەرەكتەرى دە انىقتالعان. ارنايى وپەراسيا بارىسىندا 20-دان استام ءتىنتۋ جۇرگىزىلىپ، ءىرى كولەمدەگى اقشا قاراجاتى، سۋىق قارۋ جانە وزگە دە زاتتاي ايعاقتار تاركىلەندى.
قازىرگى تاڭدا التى كۇدىكتى ۋاقىتشا ۇستاۋ يزولياتورىنا قامالدى. قىلمىستىق توپتىڭ باسقا دا ەپيزودتارعا قاتىسى بار-جوعى تەكسەرىلىپ جاتىر. جەدەل-تەرگەۋ شارالارى جالعاسۋدا.
