Astana qalasy máslihatynyń kezekti otyrysynda MÁMS pen densaýlyq saqtaý basqarmasyna qarasty mekemelerdiń kreditorlyq qaryzdary máseleleri depýtattardyń talqylaýyna tústi, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Óz kezeginde Astana qalasy máslihatynyń tóraǵasy Erlan Kanalimov bul baǵytta júile túrde sheshýdi talap etetin biraz máselelerdiń bar ekenin alǵa tartty.
– Búginde MÁMS jáne densaýlyq saqtaý basqarmasyna qarasty mekemelerdiń kreditorlyq qaryzdary ózekti máselege ainalyp otyr. Bul máselelerdi júieli túrde sheshýimiz kerek. Ótken jylmen salystyrsaq, barlyq densaýlyq saqtaý nysandarynda jalǵan kórsetkishter sany aitarlyqtai ósti, bul konsýltatsiialyq-diagnostikalyq qyzmetter kórsetý, statsionarlardyń jumysy jáne basqa da kóptegen salalardy qamtyp otyr. Qoǵamdyq densaýlyq saqtaý basqarmasyna kinálilerdi jaýapkershilikke tartý boiynsha sharalar qabyldaý, onyń ishinde aiyppul tóleýden bastaý kerek, – deidi Erlan Kanalimov.
Máslihat tóraǵasy kóptegen shaǵymdar meditsinalyq qyzmetterdiń sapasyna bailanysty ekenin alǵa tarta kele, olardyń bir bóligi jedel túrde sheshiletinin de aitty.
– Elordalyq densaýlyq saqtaý uiymdarynyń kreditorlyq qaryzy kóbinese dári-dármekterdi artyq satyp alýmen, meditsinalyq maqsattaǵy buiymdarmen, «qabynǵan» shtattarmen jáne birinshi basshylardyń qarjylyq saýatsyzdyǵymen bailanysty týyndaýda, – dedi.
Óz kezeginde máslihat depýtattary Qoǵamdyq densaýlyq saqtaý basqarmasyna zań buzýshylyqtardy joiý boiynsha is-sharalar josparyn daiyndaýdy tapsyrdym. Bul másele aldaǵy ýaqytta Astana qalasy máslihatynyń baqalýynda bolady.
