Sońǵy kezde túrli beine jáne jazba materialdardy kórip ań-tań bolyp júrmin! Mysaly Qazaqstan halqy Assambleiasy sý tasqyny kezinde qaida? Assambleia ne istep jatyr? Assambleia kerek emes, Assambleia qandai kómek beripti? Degen pikirler kóbeiipti! Ol durys emes aǵaiyn!
Qazaqtyń jaqsy sózi bar “Jaqsynyń jaqsylyǵyn ait-nury tasysyn” degen! Elimizde qaiǵyly jaǵdai oryn alǵan sátten bastap Qazaqstan halqy Assambleiasy sý tasqynynan zardap shekken azamattarǵa kómek berý úshin, arnaiy Respýblikalyq shtab quryp, odan ári qarai óńirlerde shtabtardy quryp gýmanitarlyq kómek berý boiynsha jumysty úilestire bastady.
Qazir bizdiń Assambleia janyndaǵy “Assambleia jastary” uiymynyń eriktileri barlyq sý basqan oblystarda kómekterin kórsetip jatyr!
Eger de jalpylama aitatyn bolsaq búgingi kúnge deiin Assambleia músheleri sýdan zardap shekken oblystarǵa “Júrekten júrekke” aktsiiasy aiasynda 227 tonna gýmanitarlyq kómek jiberdi, 277 million teńge jinap, qarjylai kómek kórsetýde.
Sonymen qatar óńirlerde 10 myńǵa jýyq eriktiler zardap shekken azamattarǵa, qutqarýshylarǵa, áskeri qyzmetkerlerge, qurylysshylarǵa óz kómekterin berip jatyr.
Sondyqtan qadirli aǵaiyn Assambleia únsiz otyr, Assambleia eshteme jasap jatqan joq dep aitý durys emes degen oidamyn.
Aitpaqshy, áleýmettik jelide jalǵan aqparat óte kóp, mysaly Assambleiaǵa qyrýar aqsha bólinedi, Assambleia biýdjetke qarap otyr degen áńgime shyndyqqa janaspaidy. Dostar bul taza mif!
Barlyq kórsetilip jatqan, joǵaryda atalyp ótken Assambleia tarapynan berilgen kómek jaiynda aitatyn bolsaq, bul Assambleia janyndaǵy túrli kásipkerler, metsenattar jáne etnomádeni birlestikterdiń kómegi! Aman bolaiyq dostar! Kúshimiz birlikte!
Gennadii Shipovskii, QR Májilis depýtaty
Assambleia sý tasqynynan zardap shekkenderge kómek kórsetpedi degen jalǵan sóz - depýtat
Kollaj Dalanews.kz
