سوڭعى كەزدە ءتۇرلى بەينە جانە جازبا ماتەريالداردى كورىپ اڭ-تاڭ بولىپ ءجۇرمىن! مىسالى قازاقستان حالقى اسسامبلەياسى سۋ تاسقىنى كەزىندە قايدا؟ اسسامبلەيا نە ىستەپ جاتىر؟ اسسامبلەيا كەرەك ەمەس، اسسامبلەيا قانداي كومەك بەرىپتى؟ دەگەن پىكىرلەر كوبەيىپتى! ول دۇرىس ەمەس اعايىن!

قازاقتىڭ جاقسى ءسوزى بار “جاقسىنىڭ جاقسىلىعىن ايت-نۇرى تاسىسىن” دەگەن! ەلىمىزدە قايعىلى جاعداي ورىن العان ساتتەن باستاپ قازاقستان حالقى اسسامبلەياسى سۋ تاسقىنىنان زارداپ شەككەن ازاماتتارعا كومەك بەرۋ ءۇشىن، ارنايى رەسپۋبليكالىق شتاب قۇرىپ، ودان ءارى قاراي وڭىرلەردە شتابتاردى قۇرىپ گۋمانيتارلىق كومەك بەرۋ بويىنشا جۇمىستى ۇيلەستىرە باستادى.

ءقازىر ءبىزدىڭ اسسامبلەيا جانىنداعى “اسسامبلەيا جاستارى” ۇيىمىنىڭ ەرىكتىلەرى بارلىق سۋ باسقان وبلىستاردا كومەكتەرىن كورسەتىپ جاتىر!

ەگەر دە جالپىلاما ايتاتىن بولساق بۇگىنگى كۇنگە دەيىن اسسامبلەيا مۇشەلەرى سۋدان زارداپ شەككەن وبلىستارعا “جۇرەكتەن جۇرەككە” اكسياسى اياسىندا 227 توننا گۋمانيتارلىق كومەك جىبەردى، 277 ميلليون تەڭگە جيناپ، قارجىلاي كومەك كورسەتۋدە.

سونىمەن قاتار وڭىرلەردە 10 مىڭعا جۋىق ەرىكتىلەر زارداپ شەككەن ازاماتتارعا، قۇتقارۋشىلارعا، اسكەري قىزمەتكەرلەرگە، قۇرىلىسشىلارعا ءوز كومەكتەرىن بەرىپ جاتىر.

سوندىقتان ءقادىرلى اعايىن اسسامبلەيا ءۇنسىز وتىر، اسسامبلەيا ەشتەمە جاساپ جاتقان جوق دەپ ايتۋ دۇرىس ەمەس دەگەن ويدامىن.

ايتپاقشى، الەۋمەتتىك جەلىدە جالعان اقپارات وتە كوپ، مىسالى اسسامبلەياعا قىرۋار اقشا بولىنەدى، اسسامبلەيا بيۋدجەتكە قاراپ وتىر دەگەن اڭگىمە شىندىققا جاناسپايدى. دوستار بۇل تازا ميف!

بارلىق كورسەتىلىپ جاتقان، جوعارىدا اتالىپ وتكەن اسسامبلەيا تاراپىنان بەرىلگەن كومەك جايىندا ايتاتىن بولساق، بۇل اسسامبلەيا جانىنداعى ءتۇرلى كاسىپكەرلەر، مەسەناتتار جانە ەتنومادەني بىرلەستىكتەردىڭ كومەگى! امان بولايىق دوستار! كۇشىمىز بىرلىكتە!

گەنناديي شيپوۆسكيي، ق ر ءماجىلىس دەپۋتاتى