"Bereke Bank" AQ Direktorlar keńesiniń quramynan Asqar Elemesov shyǵyp qaldy. Onyń táýelsiz direktor laýazymynan óz erkimen bas tartqany belgili boldy, dep habarlaidy Dalanews.kz.
Bul týraly aqparat Qazaqstan qor birjasyna (KASE) usynylǵan aqparattan belgili boldy.
Endi banktiń direktorlar keńesi úsh adamnan turady: Maǵjan Mádiev, Maqsat Nuridenuly jáne Andrei Timchenko
2024 jyldyń qazan aiynda Bereke Bank Direktorlar keńesi quramynan Ersaiyn Hamitov pen Viacheslav Sonnyń óz erkimen ketkeni habarlanǵan edi. Al Asqar Elemesov 2022 jyldyń maýsym aiynda Sberbanktiń sol kezdegi qazaqstandyq enshiles kompaniiasynyń táýelsiz direktory bolyp sailanǵan bolatyn. 2022 jyldyń qyrkúieginde "Báiterek" memlekettik holdingi keiin Bereke Bank dep ataýy ózgergen Sberbanktiń Qazaqstandaǵy enshiles bankiniń jalǵyz qojaiyny atandy. Bankti holding "Sberbank" JAQ-tan bank qarajaty esebinen satyp aldy, atap aitqanda 2021 jylǵy 130 mlrd teńge mólsherindegi dividendter tólemin jumsaý arqyly. Osy jaǵynan alǵanda, bul maqsatqa memleket qarajaty paidalanylǵan joq. 2024 jyldyń aqpanynda katarlyq Lesha Bank "Báiterek" UBH-men elimizdegi áleýetti bankti satyp alý boiynsha kelisimge otyrǵany belgili boldy. Mamyr aiynda kelisimshart somasy 65 mlrd teńgeni qurady dep habarlandy. 2024 jylǵy 8 qazanda "Báiterek" holdingi men Lesha Bank LLC (Public) "Bereke Bank" AQ aktsiialarynyń 100% satý boiynsha mámileni aiaqtady.
2024 jylǵy 1 shildedegi jaǵdai boiynsha, Lesha Bank aktivteri 2,05 mlrd AQSh dollaryn, menshikti kapitaly 0,35 mlrd AQSh dollaryn, kapitalynyń jetkiliktilik koeffitsienti 16,9%-dy quraidy. 2023 jyldyń qorytyndysy boiynsha,bank 26,5 mln dollar jáne 2024 jylǵy 6 aida 15,5 mln dollar mólsherinde taza paida tapqan.
