"Bereke Bank" اق ديرەكتورلار كەڭەسىنىڭ قۇرامىنان اسقار ەلەمەسوۆ شىعىپ قالدى. ونىڭ تاۋەلسىز ديرەكتور لاۋازىمىنان ءوز ەركىمەن باس تارتقانى بەلگىلى بولدى، دەپ حابارلايدى Dalanews.kz.
بۇل تۋرالى اقپارات قازاقستان قور بيرجاسىنا (KASE) ۇسىنىلعان اقپاراتتان بەلگىلى بولدى.
ەندى بانكتىڭ ديرەكتورلار كەڭەسى ءۇش ادامنان تۇرادى: ماعجان مادييەۆ، ماقسات نۇريدەن ۇلى جانە اندرەي تيمچەنكو
2024 جىلدىڭ قازان ايىندا Bereke Bank ديرەكتورلار كەڭەسى قۇرامىنان ەرسايىن حاميتوۆ پەن ۆياچەسلاۆ سوننىڭ ءوز ەركىمەن كەتكەنى حابارلانعان ەدى. ال اسقار ەلەمەسوۆ 2022 جىلدىڭ ماۋسىم ايىندا سبەربانكتىڭ سول كەزدەگى قازاقستاندىق ەنشىلەس كومپانياسىنىڭ تاۋەلسىز ديرەكتورى بولىپ سايلانعان بولاتىن. 2022 جىلدىڭ قىركۇيەگىندە "بايتەرەك" مەملەكەتتىك حولدينگى كەيىن Bereke Bank دەپ اتاۋى وزگەرگەن سبەربانكتىڭ قازاقستانداعى ەنشىلەس بانكىنىڭ جالعىز قوجايىنى اتاندى. بانكتى حولدينگ "سبەربانك" جاق-تان بانك قاراجاتى ەسەبىنەن ساتىپ الدى، اتاپ ايتقاندا 2021 جىلعى 130 ملرد تەڭگە مولشەرىندەگى ديۆيدەندتەر تولەمىن جۇمساۋ ارقىلى. وسى جاعىنان العاندا، بۇل ماقساتقا مەملەكەت قاراجاتى پايدالانىلعان جوق. 2024 جىلدىڭ اقپانىندا كاتارلىق Lesha Bank "بايتەرەك" ۇبح-مەن ەلىمىزدەگى الەۋەتتى بانكتى ساتىپ الۋ بويىنشا كەلىسىمگە وتىرعانى بەلگىلى بولدى. مامىر ايىندا كەلىسىمشارت سوماسى 65 ملرد تەڭگەنى قۇرادى دەپ حابارلاندى. 2024 جىلعى 8 قازاندا "بايتەرەك" حولدينگى مەن Lesha Bank LLC (Public) "Bereke Bank" اق اكسيالارىنىڭ 100% ساتۋ بويىنشا مامىلەنى اياقتادى.
2024 جىلعى 1 شىلدەدەگى جاعداي بويىنشا، Lesha Bank اكتيۆتەرى 2،05 ملرد اقش دوللارىن، مەنشىكتى كاپيتالى 0،35 ملرد اقش دوللارىن، كاپيتالىنىڭ جەتكىلىكتىلىك كوەففيسيەنتى 16،9%-دى قۇرايدى. 2023 جىلدىڭ قورىتىندىسى بويىنشا،بانك 26،5 ملن دوللار جانە 2024 جىلعى 6 ايدا 15،5 ملن دوللار مولشەرىندە تازا پايدا تاپقان.
