Túrkistan oblysynda Elordamyz – Astananyń 20 jyldyq merekesine arnalǵan «Asqaqatai ber, Astana!» atty saltanatty is-sharasy uiymdastyryldy.
Jiynǵa oblys ákimi J.Túimebaev, oblystyq maslihat hatshysy Q.Balabiev, «Nur Otan» partiiasynyń oblystyq filialy tóraǵasynyń birinshi orynbasary N.Joldas, aýmaqtyq basqarmalar men departament basshylary, ziialy qaýym ókilderi jáne Túrkistan qalasynyń qonaqtary men turǵyndary qatysty.
Shara Astana qalasynyń 20 jyldyǵyna arnalǵan kórmemen bastaý aldy. Onda Elordamyzdaǵy ásem de, sáýletti ǵimarattardyń nobaiy beinelengen túrli buiymdar jurt nazaryna usynyldy.
Saltanatty jiynda aimaq basshysy Astana qalasynyń el tarihynda alar ornyn ekshep, aitýly kúnge orai óńirimizde ótkizilgen sharalardy atap ótti.
– Astana – Qazaqstan táýelsizdiginiń Uly tuǵyry. Elorda – Elbasy ideiasynyń iske asyrylýy jáne barlyq Qazaqstan halqy eńbeginiń nátijesi. Astananyń qalyptasýy Táýelsizdik shejiresimen tyǵyz bailanysty jáne memleketimizdiń búgingi jetistikteriniń simvoly bolyp tabylady. Astana – Qazaqstan táýelsizdiginiń Uly tuǵyry. Elorda – Elbasy ideiasynyń iske asyrylýy jáne barlyq Qazaqstan halqy eńbeginiń nátijesi. Eldiń kóńil qýanyshyna ainalǵan arý qalamyzdyń merei toiyna orai óńirimizde «El júregi – Astana» atty 532 is-shara ótkizildi. Elorda qurmetine orai oblystyń birqatar eldi mekenderinde 26 kóshege «Astana» ataýy berildi. «Elordaǵa syilyq» jobasy boiynsha Túrkistan oblysy tarapynan Astana qalasyna tartý retinde jalpy quny 766,2 mln. teńgeni quraityn 5,2 shaqyrym velojol nysany salyndy. Sonymen qatar, aǵymdaǵy jyldyń sońyna deiin oblys kóleminde birqatar áleýmettik nysandar, turǵyn úiler, bilim berý nysandary, mádeniet úileri, sport keshenderiniń ashylý saltanaty Astana qalasynyń 20 jyldyǵy mereitoiymen orailastyrylýda, – dedi Janseiit Qanseiituly.
Saltanatty shara barysyna UOS jáne eńbek ardagerleri, Parlament jáne oblystyq máslihatynyń depýtattary, zań qyzmetkerleri, bilim, mádeniet jáne sport salasynyń ókilderi jalpy sany 24 azamat azamat oblystyń «Qurmetti azamaty» ataǵyn aldy. Olardyń qatarynda eńbek ardagerleriAsqar Qulybaev, Orazaly Omarov, Dildábek Toijanov, Parlament Senatynyń depýtaty Áli Bektaev, kásipqoi boksshy Beibit Shúmenov, «Qazaq kúresi» Búkil álemdik federatsiiasynyń birinshi vitse-prezidenti Serik Tókeev, «Bolashaq» úzdiksiz bilim berý ortalyǵynyń direktory Sattar Qýashbai bar.
Budan bólek, óńirdiń damýyna súbeli úles qosqan 30-ǵa jýyq azamat «Astanaǵa 20 jyl» medalimen marapattaldy.
Merekelik sharanyń sońy óńirimizdiń ónerpazdary daiyndaǵan kontserttik baǵdarlamasyna ulasty.
Túrkistan oblysy ákiminiń baspasóz qyzmeti
