جيىنعا وبلىس اكىمى ج.تۇيمەبايەۆ، وبلىستىق ماسليحات حاتشىسى ق.بالابييەۆ، «نۇر وتان» پارتياسىنىڭ وبلىستىق فيليالى ءتوراعاسىنىڭ ءبىرىنشى ورىنباسارى ن.جولداس، اۋماقتىق باسقارمالار مەن دەپارتامەنت باسشىلارى، زيالى قاۋىم وكىلدەرى جانە تۇركىستان قالاسىنىڭ قوناقتارى مەن تۇرعىندارى قاتىستى.
شارا استانا قالاسىنىڭ 20 جىلدىعىنا ارنالعان كورمەمەن باستاۋ الدى. وندا ەلوردامىزداعى اسەم دە، ساۋلەتتى عيماراتتاردىڭ نوبايى بەينەلەنگەن ءتۇرلى بۇيىمدار جۇرت نازارىنا ۇسىنىلدى.
سالتاناتتى جيىندا ايماق باسشىسى استانا قالاسىنىڭ ەل تاريحىندا الار ورنىن ەكشەپ، ايتۋلى كۇنگە وراي وڭىرىمىزدە وتكىزىلگەن شارالاردى اتاپ ءوتتى.
– استانا – قازاقستان تاۋەلسىزدىگىنىڭ ۇلى تۇعىرى. ەلوردا – ەلباسى يدەياسىنىڭ ىسكە اسىرىلۋى جانە بارلىق قازاقستان حالقى ەڭبەگىنىڭ ناتيجەسى. استانانىڭ قالىپتاسۋى تاۋەلسىزدىك شەجىرەسىمەن تىعىز بايلانىستى جانە مەملەكەتىمىزدىڭ بۇگىنگى جەتىستىكتەرىنىڭ سيمۆولى بولىپ تابىلادى. استانا – قازاقستان تاۋەلسىزدىگىنىڭ ۇلى تۇعىرى. ەلوردا – ەلباسى يدەياسىنىڭ ىسكە اسىرىلۋى جانە بارلىق قازاقستان حالقى ەڭبەگىنىڭ ناتيجەسى. ەلدىڭ كوڭىل قۋانىشىنا اينالعان ارۋ قالامىزدىڭ مەرەي تويىنا وراي وڭىرىمىزدە «ەل جۇرەگى – استانا» اتتى 532 ءىس-شارا وتكىزىلدى. ەلوردا قۇرمەتىنە وراي وبلىستىڭ ءبىرقاتار ەلدى مەكەندەرىندە 26 كوشەگە «استانا» اتاۋى بەرىلدى. «ەلورداعا سىيلىق» جوباسى بويىنشا تۇركىستان وبلىسى تاراپىنان استانا قالاسىنا تارتۋ رەتىندە جالپى قۇنى 766،2 ملن. تەڭگەنى قۇرايتىن 5،2 شاقىرىم ۆەلوجول نىسانى سالىندى. سونىمەن قاتار، اعىمداعى جىلدىڭ سوڭىنا دەيىن وبلىس كولەمىندە ءبىرقاتار الەۋمەتتىك نىساندار، تۇرعىن ۇيلەر، ءبىلىم بەرۋ نىساندارى، مادەنيەت ۇيلەرى، سپورت كەشەندەرىنىڭ اشىلۋ سالتاناتى استانا قالاسىنىڭ 20 جىلدىعى مەرەيتويىمەن ورايلاستىرىلۋدا، – دەدى جانسەيىت قانسەيىت ۇلى.
سالتاناتتى شارا بارىسىنا ۇوس جانە ەڭبەك ارداگەرلەرى، پارلامەنت جانە وبلىستىق ءماسليحاتىنىڭ دەپۋتاتتارى، زاڭ قىزمەتكەرلەرى، ءبىلىم، مادەنيەت جانە سپورت سالاسىنىڭ وكىلدەرى جالپى سانى 24 ازامات ازامات وبلىستىڭ «قۇرمەتتى ازاماتى» اتاعىن الدى. ولاردىڭ قاتارىندا ەڭبەك ارداگەرلەرىاسقار قۇلىبايەۆ، ورازالى وماروۆ، دىلدابەك تويجانوۆ، پارلامەنت سەناتىنىڭ دەپۋتاتى ءالي بەكتايەۆ، كاسىپقوي بوكسشى بەيبىت شۇمەنوۆ، «قازاق كۇرەسى» بۇكىل الەمدىك فەدەراسياسىنىڭ ءبىرىنشى ۆيسە-پرەزيدەنتى سەرىك توكەيەۆ، «بولاشاق» ۇزدىكسىز ءبىلىم بەرۋ ورتالىعىنىڭ ديرەكتورى ساتتار قۋاشباي بار.
بۇدان بولەك، ءوڭىردىڭ دامۋىنا سۇبەلى ۇلەس قوسقان 30-عا جۋىق ازامات «استاناعا 20 جىل» مەدالىمەن ماراپاتتالدى.
مەرەكەلىك شارانىڭ سوڭى ءوڭىرىمىزدىڭ ونەرپازدارى دايىنداعان كونسەرتتىك باعدارلاماسىنا ۇلاستى.
تۇركىستان وبلىسى اكىمىنىڭ باسپا ءسوز قىزمەتى
