رەسەي ەسكەرٸ 7 قازانعا قاراعان تٷنٸ ۋكرايناعا زىمىراندار مەن دروندارمەن جاپپاي سوققى جاساپ, كەمٸندە 32 ادام قازا تاپتى, 100-دەن استام ادام جارالاندى, دەپ حابارلايدى dalanews.kz.
ۋكراينانىڭ چەرنيگوۆ وبلىسىنداعى پريلۋكي قالاسىندا رەسەيلٸك زىمىران بەس قاباتتى تۇرعىن ٷيگە تيٸپ, عيماراتتىڭ بٸر بٶلٸگٸ قيراعان. قۇتقارۋ قىزمەتٸنٸڭ مەلٸمەتٸنشە, قالادا قازا تاپقاندار سانى 22 ادامعا جەتكەن, ولاردىڭ اراسىندا بالالار بار.
كيەۆتە دە تۇرعىن ٷيگە جاسالعان سوققى مەن درونداردىڭ قۇلاۋىنان تٶرت ادام قازا تاپقان. بۇدان بٶلەك, زارداپ شەككەندەر كيروۆوگراد, دنەپروپەتروۆسك, پولتاۆا جەنە حاركوۆ وبلىستارىندا تٸركەلدٸ.
رەسەي قورعانىس مينيسترلٸگٸ سوققىلاردى راستادى. ۆەدومستۆو شابۋىلدىڭ ۋكرايناداعى ەسكەري-ٶنەركەسٸپ نىساندارىنا, ونىڭ ٸشٸندە كيەۆتەگٸ Fire Point كومپانيياسىنىڭ قاناتتى زىمىراندار مەن ۇزاق قاشىقتىققا ۇشاتىن دروندار ٶندٸرەتٸن جەنە ساقتايتىن نىساندارىنا باعىتتالعانىن مەلٸمدەدٸ.
ۋكراينا پرەزيدەنتٸ ۆلاديمير زەلەنسكيي شابۋىلدى ايىپتاپ, رەسەيدٸڭ بالليستيكالىق زىمىراندارى ەل ٷشٸن نەگٸزگٸ قاۋٸپ بولىپ وتىرعانىن ايتتى. ونىڭ مەلٸمەتٸنشە, شابۋىل كەزٸندە رەسەي شامامەن 70 زىمىران جەنە ونداعان «Shahed» درونىن ۇشىرعان.
سونىمەن قاتار, ەۋروپالىق وداق ەلدەرٸ رەسەيگە قارسى جاڭا سانكتسييالار پاكەتٸن كەلٸسٸپ, 1646 جەكە تۇلعا مەن ۇيىمدى سانكتسييالىق تٸزٸمگە ەنگٸزۋدٸ ماقۇلدادى. ولاردىڭ باسىم بٶلٸگٸ رەسەيدٸڭ ەسكەري-ٶنەركەسٸپتٸك كەشەنٸمەن, سونىڭ ٸشٸندە «يسكاندەر-م» بالليستيكالىق زىمىراندارىن ٶندٸرۋ تٸزبەگٸمەن بايلانىستى. سانكتسييالار دٷيسەنبٸ كٷنٸ ەو سىرتقى ٸستەر مينيسترلەرٸنٸڭ وتىرىسىندا رەسمي بەكٸتٸلۋٸ تيٸس.
