Qarýly kúshter qatarynda qyzmet etetin áskeriler TMD elderinde ótetin birqatar mańyzdy baiqaýlarǵa qatysýǵa daiyndalý ústinde dep habarlaidy Dalanews.kz.
Sait tilshisi anyqtaǵan aqparat boiynsha elimizdiń áskeri qyzmetkerleri 7 birdei baiqaýǵa qatysýǵa qamdanyp jatyr. Bulardyń úsheýi óz elimizde uiymdastyrylady.
Saitymyzǵa pikir bildirgen Qazaqstan Qarýly kúshteri Bas shtabyna qarasty Geomálimetpen qamtamasyz etý basqarmasynyń ókili Shaiahmet Áshirulynyń atap ótkenindei atalǵan baiqaýlar 8-shi Halyqaralyq áskeri oiyndarynyń sheńberinde ótedi.
"Munyń ishinde artilleriialyq qarýdyń oq jaýdyrý, minany ornalastyrý jáne jarý jarysy, mergender saiysy, taktikalyq soǵys úlgileri, topografiialyq qyzmetpen ainalysatyn mamandar baiqaýy ("Meridian"), tank biaotlony jáne kúres, boks sekildi sporttyq jarystar kiredi. Bulardyń basym kópshiligi Resei jerinde ótedi. Budan bólek Armeniia men Ázirbaijanda ótetin baiqaýlarǵa da qatysamyz", – deidi Sh. Áshiruly.
Aita ketý kerek, "Meridian" baiqaýy el aýmaǵynda Halyqaralyq áskeriler oiyndarynyń sheńberinde tuńǵysh ret ótip jatyr. Saiys 3 kezeńnen turady. Alǵashynda, jaýyngerlerdiń qarý-jaraqty qanshalyqty meńgergeni anyqtalady. "Agra 74" dep atalatyn ujymdyq jarysta ár eldiń komandasy atysý sheberligin pash etedi.
"Azimýt" dep atalatyn baiqaýdyń ekinshi kezeńinde áskeri qyzmetkerler orman ishinde qarsylastarynyń jasyrynǵan oryndaryn anyqtaidy. Bul kezeńde jaýyngerlerdiń kompasty qanshalyqty meńgergeni anyqtalady.
Eń sońǵy, 3-shi kezeńde topografiiamen bailanysty. Bul joly jaýyngerler ózge elderdiń topografiialyq bólimderimen birlesip, geodeziiamen bailanysty tapsyrmalardy oryndaidy.
"Byltyrǵy bul baiqaý Resei aýmaǵynda ótken edi. Bul jolǵy saiystyń byltyrǵydan ereksheligi "Azimýt" jarysynda bizdiń jaýyngerler ormandaǵy nysanalardyń alys-jaqyndyǵyn dúrbimen ólsheitin bolady. Budan bólek topografiia jarysynyń uzyndyǵy ótken jylǵa qaraǵanda 650 metrden 1850 metrge deiin, iaǵni, úsh esege ulǵaityldy.
Biylǵy jarysqqa Puzzle dep atalatyn saiys qosyp otyrmyz. Bul boiynsha topografiia kezeńinde áskeri qyzmetker ondaǵan bólshekke bólingen topografiia kartalaryn tez-tez qurastyryp, qarsylastyń nysandarynyń koordinatasyn anyqtaýy tiis. Pazldy tizirek qurastyrǵan jáne qarsylastyń ornalasqan ornyna jedel anyqtaǵan komanda jeńimpaz bop tanylady", – deidi Shaiahmet Áshiruly.
Onyń málim etkenindei elimizdiń áskeri qyzmetkerleri bul baiqaýǵa aqpan aiynan beri qyzý daiyndyq júrgizýde. Osy maqsatta kúrdeli irikteý jumystary júrgizilgen. Aldymen áskeri bólimderdiń mamandary elekten ótken, keiinnen óńirdegi qolbasshylyqtar arasynda dál osynda jumys júrgizilipti. Osy qurylymdarǵa jetekshilik etetin Bas qolbasshylar da "emtihan" tapsyrǵan.
Buǵan deiin portalymyzǵa suhbat bergen general-leitenat Baqytjan Ertaev halyqaralyq sanattaǵy mundai jarystardyń mańyzdylyǵyna toqtalyp: "Sarbazdardyń sheberligin shyńdaýda tájiribe almasýdyń orny bólek. Jaýyngerler jańa ádis-tásilderdi meńgerip, mundai jarystardan shabytpen oralady", – degen pikir bildirgen edi.
Ertaevtyń aitýynsha tájiribe turǵysynan mundai baiqaýlar taptyrmaityn platforma.
"Mundai jarystarǵa iriktelip alynatyn sarbazdardyń sany sanaýly bolady. Meniń bilýimshe, 10 adamnan aspaýy tiis. Bul aradaǵy eń mańyzdy mindet - biliktilikti shyńdaý. Ásirese, topografiia baiqaýy asa mańyzdy. Sheteldik topograftarmen oi-pikir almasýy áskeri qyzmetkerdiń bilim-biligin tolyqtyra túsedi", – degen edi general-leitenant.
Qorǵanys ministrliginiń málimeti boiynsha osynaý baiqaýǵa 8 memleket qatysady. TMD keńistigindegi elderden bólek Qytai, Mysyr, Egipet memleketterdiń delegatsiiasy keledi.
