قارۋلى كۇشتەر قاتارىندا قىزمەت ەتەتىن اسكەريلەر تمد ەلدەرىندە وتەتىن ءبىرقاتار ماڭىزدى بايقاۋلارعا قاتىسۋعا دايىندالۋ ۇستىندە دەپ حابارلايدى Dalanews.kz.
سايت ءتىلشىسى انىقتاعان اقپارات بويىنشا ەلىمىزدىڭ اسكەري قىزمەتكەرلەرى 7 بىردەي بايقاۋعا قاتىسۋعا قامدانىپ جاتىر. بۇلاردىڭ ۇشەۋى ءوز ەلىمىزدە ۇيىمداستىرىلادى.
سايتىمىزعا پىكىر بىلدىرگەن قازاقستان قارۋلى كۇشتەرى باس شتابىنا قاراستى گەومالىمەتپەن قامتاماسىز ەتۋ باسقارماسىنىڭ وكىلى شاياحمەت ءاشىر ۇلىنىڭ اتاپ وتكەنىندەي اتالعان بايقاۋلار 8ء-شى حالىقارالىق اسكەري ويىندارىنىڭ شەڭبەرىندە وتەدى.
"مۇنىڭ ىشىندە ارتيللەريالىق قارۋدىڭ وق جاۋدىرۋ، مينانى ورنالاستىرۋ جانە جارۋ جارىسى، مەرگەندەر سايىسى، تاكتيكالىق سوعىس ۇلگىلەرى، توپوگرافيالىق قىزمەتپەن اينالىساتىن ماماندار بايقاۋى ("مەريديان")، تانك بياوتلونى جانە كۇرەس، بوكس سەكىلدى سپورتتىق جارىستار كىرەدى. بۇلاردىڭ باسىم كوپشىلىگى رەسەي جەرىندە وتەدى. بۇدان بولەك ارمەنيا مەن ءازىربايجاندا وتەتىن بايقاۋلارعا دا قاتىسامىز"، – دەيدى ش. ءاشىر ۇلى.
ايتا كەتۋ كەرەك، "مەريديان" بايقاۋى ەل اۋماعىندا حالىقارالىق اسكەريلەر ويىندارىنىڭ شەڭبەرىندە تۇڭعىش رەت ءوتىپ جاتىر. سايىس 3 كەزەڭنەن تۇرادى. العاشىندا، جاۋىنگەرلەردىڭ قارۋ-جاراقتى قانشالىقتى مەڭگەرگەنى انىقتالادى. "اگرا 74" دەپ اتالاتىن ۇجىمدىق جارىستا ءار ەلدىڭ كومانداسى اتىسۋ شەبەرلىگىن پاش ەتەدى.
"ازيمۋت" دەپ اتالاتىن بايقاۋدىڭ ەكىنشى كەزەڭىندە اسكەري قىزمەتكەرلەر ورمان ىشىندە قارسىلاستارىنىڭ جاسىرىنعان ورىندارىن انىقتايدى. بۇل كەزەڭدە جاۋىنگەرلەردىڭ كومپاستى قانشالىقتى مەڭگەرگەنى انىقتالادى.
ەڭ سوڭعى، 3ء-شى كەزەڭدە توپوگرافيامەن بايلانىستى. بۇل جولى جاۋىنگەرلەر وزگە ەلدەردىڭ توپوگرافيالىق بولىمدەرىمەن بىرلەسىپ، گەودەزيامەن بايلانىستى تاپسىرمالاردى ورىندايدى.
"بىلتىرعى بۇل بايقاۋ رەسەي اۋماعىندا وتكەن ەدى. بۇل جولعى سايىستىڭ بىلتىرعىدان ەرەكشەلىگى "ازيمۋت" جارىسىندا ءبىزدىڭ جاۋىنگەرلەر ورمانداعى نىسانالاردىڭ الىس-جاقىندىعىن دۇربىمەن ولشەيتىن بولادى. بۇدان بولەك توپوگرافيا جارىسىنىڭ ۇزىندىعى وتكەن جىلعا قاراعاندا 650 مەتردەن 1850 مەترگە دەيىن، ياعني، ءۇش ەسەگە ۇلعايتىلدى.
بيىلعى جارىسققا Puzzle دەپ اتالاتىن سايىس قوسىپ وتىرمىز. بۇل بويىنشا توپوگرافيا كەزەڭىندە اسكەري قىزمەتكەر ونداعان بولشەككە بولىنگەن توپوگرافيا كارتالارىن تەز-تەز قۇراستىرىپ، قارسىلاستىڭ نىساندارىنىڭ كوورديناتاسىن انىقتاۋى ءتيىس. پازلدى تىزىرەك قۇراستىرعان جانە قارسىلاستىڭ ورنالاسقان ورنىنا جەدەل انىقتاعان كوماندا جەڭىمپاز بوپ تانىلادى"، – دەيدى شاياحمەت ءاشىر ۇلى.
ونىڭ ءمالىم ەتكەنىندەي ەلىمىزدىڭ اسكەري قىزمەتكەرلەرى بۇل بايقاۋعا اقپان ايىنان بەرى قىزۋ دايىندىق جۇرگىزۋدە. وسى ماقساتتا كۇردەلى ىرىكتەۋ جۇمىستارى جۇرگىزىلگەن. الدىمەن اسكەري بولىمدەردىڭ ماماندارى ەلەكتەن وتكەن، كەيىننەن وڭىردەگى قولباسشىلىقتار اراسىندا ءدال وسىندا جۇمىس جۇرگىزىلىپتى. وسى قۇرىلىمدارعا جەتەكشىلىك ەتەتىن باس قولباسشىلار دا "ەمتيحان" تاپسىرعان.
بۇعان دەيىن پورتالىمىزعا سۇحبات بەرگەن گەنەرال-لەيتەنات باقىتجان ەرتايەۆ حالىقارالىق ساناتتاعى مۇنداي جارىستاردىڭ ماڭىزدىلىعىنا توقتالىپ: "ساربازداردىڭ شەبەرلىگىن شىڭداۋدا تاجىريبە الماسۋدىڭ ورنى بولەك. جاۋىنگەرلەر جاڭا ادىس-تاسىلدەردى مەڭگەرىپ، مۇنداي جارىستاردان شابىتپەن ورالادى"، – دەگەن پىكىر بىلدىرگەن ەدى.
ەرتايەۆتىڭ ايتۋىنشا تاجىريبە تۇرعىسىنان مۇنداي بايقاۋلار تاپتىرمايتىن پلاتفورما.
"مۇنداي جارىستارعا ىرىكتەلىپ الىناتىن ساربازداردىڭ سانى ساناۋلى بولادى. مەنىڭ بىلۋىمشە، 10 ادامنان اسپاۋى ءتيىس. بۇل اراداعى ەڭ ماڭىزدى مىندەت - بىلىكتىلىكتى شىڭداۋ. اسىرەسە، توپوگرافيا بايقاۋى اسا ماڭىزدى. شەتەلدىك توپوگرافتارمەن وي-پىكىر الماسۋى اسكەري قىزمەتكەردىڭ بىلىم-بىلىگىن تولىقتىرا تۇسەدى"، – دەگەن ەدى گەنەرال-لەيتەنانت.
قورعانىس مينيسترلىگىنىڭ مالىمەتى بويىنشا وسىناۋ بايقاۋعا 8 مەملەكەت قاتىسادى. تمد كەڭىستىگىندەگى ەلدەردەن بولەك جۇڭگو، مىسىر، ەگيپەت مەملەكەتتەردىڭ دەلەگاسياسى كەلەدى.
