Senat depýtattary áskeri qyzmetshilerdiń quqyqtyq jaǵdaiyn jetildirýge, qorǵanys pen áskeri qyzmet salasyn jańǵyrtýǵa baǵyttalǵan zańdy maquldady, dep habarlaidy dalanews.kz.
Zań jobasyn depýtattarǵa senator Álisher Sátvaldiev tanystyrdy.
Onyń aitýynsha, qujatpen «Qazaqstan Respýblikasynyń qorǵanysy jáne Qarýly Kúshteri týraly», «Áskeri qyzmet jáne áskeri qyzmetshilerdiń mártebesi týraly» jáne «Qazaqstan Respýblikasynyń bitimgerlik qyzmeti týraly» zańdarǵa ózgerister men tolyqtyrýlar engiziledi.
«Túzetýlermen sheteldegi áskeri ókil apparatynyń quqyqtyq mártebesi, ony qarjylandyrý tártibi jáne osy apparatta qyzmet etetin áskeri qyzmetshiler laýazymdaryn diplomatiialyq qyzmet qyzmetkerlerine teńestirý kózdeledi. Sondai-aq arnaiy memlekettik organnyń áskeri qyzmetshilerin qospaǵanda, áskeri qyzmetshilerdi joǵary laýazymdarǵa irikteý úshin tsifrlyq reiting engizý qarastyrylady», – dedi ol.
Senat málimetinshe, zań áskeri qyzmetshilerdiń áleýmettik jáne quqyqtyq qorǵalýyn kúsheitýge baǵyttalǵan birqatar normalardy da qamtidy.
Atap aitqanda, Qarýly Kúshter men Shekara qyzmetiniń áskeri qyzmetshilerine tótenshe jaǵdailardyń saldaryn joiýǵa qatysqany, terrorizmge qarsy operatsiialarǵa jumyldyrylǵany jáne tótenshe jaǵdai rejimin qamtamasyz etkeni úshin úsh ese mólsherde aqshalai qamsyzdandyrý tóleý qarastyrylǵan.
Sonymen qatar qylmystyq is boiynsha kúdikti dep tanylǵan nemese oǵan qatysty bultartpaý sharasy qoldanylǵan jaǵdaida komandirdiń qaramaǵynda bolatyn, biraq áskeri laýazym atqarmaityn áskeri qyzmetshige eń tómengi jalaqy mólsherinde tólem jasaý normasy engiziledi.
«Áskeri qyzmetten bosatý týraly sheshimge shaǵymdaný úshin talap qoiý merzimi belgilenedi. Áskeri qyzmetshige tótenshe nemese soǵys jaǵdaiyn qospaǵanda, 25 jáne odan da kóp jyl eńbek sińirgen jaǵdaida óz erkimen áskeri qyzmetten bosaý múmkindigi beriledi. Shaqyrý boiynsha áskeri qyzmet ótkerip júrgen ofitserdiń úsh jasqa deiingi bala kútimine bailanysty demalysta bolǵan kezeńi qyzmet ótiline esepteledi», – delingen Senat komitetiniń qorytyndysynda.
Zań jobasyn talqylaý barysynda senator Andrei Lýkin áskeri qyzmettiń ereksheligine toqtaldy.
Onyń aitýynsha, áskeri qyzmettiń erekshe sipaty, joǵary jaýapkershilik pen ómir men densaýlyqqa tónetin qaýip memleket tarapynan laiyqty qoldaýdy talap etedi.
«Zańda kózdelgen áskeri qyzmetshilerdi áleýmettik jáne quqyqtyq qorǵaýdyń qosymsha tetikteri der kezinde qabyldanǵan ári ádil sheshim dep sanaimyn. Osy zańdy qoldaý qajet», – dedi senator.
Zań Memleket basshysynyń qol qoiýyna jiberildi.
