Qarasaı aýdandyq bas memlekettik sanıtarlyq dárigerdiń qaýlysyna sáıkes «Asyl arman» turǵyn úı keshenindegi karantın alyndy, – dep habarlaıdy Almaty oblysy ákiminiń baspasóz qyzmeti.

Eske salsaq, oblystaǵy 3-shi syrqat 1995 jyly týǵan, júktiliktiń 21-22 aptasyndaǵy áıel «Asyl Arman» TK turǵyny bolatyn. Munan keıin osy turǵyn úı kesheninde turatyn 1957 jyly týǵan taǵy bir áıeldiń aýyrǵany anyqtalǵan edi. Osyǵan baılanysty koronavırýs ınfeksıasynyń budan ári taralýyna jol bermeý maqsatynda «Asyl Arman» turǵyn úı kesheninde  1 sáýirden bastap karantın engizilgen. Sol ýaqyttan beri turǵyn úı kesheni aýmaǵynda medısına qyzmetkerlerimen jáne tártip saqshylarymen birge áskerı-eriktiler de qyzmet etti.

Búgingi kúni turǵyn úı kesheniniń turǵyny, 1995 jyly týǵan áıel qaıtalaı analız alynǵannan keıin aýrýhanadan shyǵaryldy, al 1957 jyly týǵan turǵyn em qabyldap jatyr.

Qarym-qatynasta barlyǵy 23 adam bolǵany anyqtalyp, olardan vırýsologıalyq analız alynǵan, analız qorytyndylary teris bolyp shyqty.