Bul baǵyttaǵy jumystarǵa búgingi kúnge ınvestorlar 120 mln teńgeniń qarjysyn jumsaǵan bolatyn. Ol qarjy kepilde turǵan ǵımaratty satyp alýǵa, qujattamalardy retteýge jumsalypty. Alken óndirýge qajetti qural-jabdyqtarǵa 3 mln. dollary baǵyttalǵan.
Atalǵan kásiporyn 200-ge jýyq adam jumyspen qamtýda. Bul týraly Kentaý qalasynyń ákimi Ábdibaqyt Maqulbaev málim etti.
– Tabıǵatty qorǵaý jaıyn standarttarǵa sáıkestendiremiz. Bul jumystardyń barlyǵyn atqarý úshin ýaqyt kerek. 25 jylǵa qabyldanyp otyrǵan baǵdarlama boıynsha joba jer qoınaýyndaǵy qazba baılyqtardy ıgerý maqsatynda júzege asady. Joba boıynsha 200-ge jýyq adam jumyspen qamtylady, – dep kásiporyn basshysy Nysanbaı Kenjebaev oıyn ortaǵa salǵany esimizde.
Osy rette qala basshysy jyl sońyna deıin jergilikti turǵyndardy arnaıy baǵdarlamalar boıynsha oqytyp, mamandyqtaryn sáıkestendirý jumystaryn júzege asyrý qajettigin atap ótti.
Túrkistan oblysy ákiminiń baspasóz qyzmeti
