بۇل باعىتتاعى جۇمىستارعا بۇگىنگى كۇنگە ينۆەستورلار 120 ملن تەڭگەنىڭ قارجىسىن جۇمساعان بولاتىن. ول قارجى كەپىلدە تۇرعان عيماراتتى ساتىپ الۋعا، قۇجاتتامالاردى رەتتەۋگە جۇمسالىپتى. الكەن وندىرۋگە قاجەتتى قۇرال-جابدىقتارعا 3 ملن. دوللارى باعىتتالعان.
اتالعان كاسىپورىن 200-گە جۋىق ادام جۇمىسپەن قامتۋدا. بۇل تۋرالى كەنتاۋ قالاسىنىڭ اكىمى ءابدىباقىت ماقۇلبايەۆ ءمالىم ەتتى.
– تابيعاتتى قورعاۋ جايىن ستاندارتتارعا سايكەستەندىرەمىز. بۇل جۇمىستاردىڭ بارلىعىن اتقارۋ ءۇشىن ۋاقىت كەرەك. 25 جىلعا قابىلدانىپ وتىرعان باعدارلاما بويىنشا جوبا جەر قويناۋىنداعى قازبا بايلىقتاردى يگەرۋ ماقساتىندا جۇزەگە اسادى. جوبا بويىنشا 200-گە جۋىق ادام جۇمىسپەن قامتىلادى، – دەپ كاسىپورىن باسشىسى نىسانباي كەنجەبايەۆ ويىن ورتاعا سالعانى ەسىمىزدە.
وسى رەتتە قالا باسشىسى جىل سوڭىنا دەيىن جەرگىلىكتى تۇرعىنداردى ارنايى باعدارلامالار بويىنشا وقىتىپ، ماماندىقتارىن سايكەستەندىرۋ جۇمىستارىن جۇزەگە اسىرۋ قاجەتتىگىن اتاپ ءوتتى.
تۇركىستان وبلىسى اكىمىنىڭ باسپا ءسوز قىزمەتى
