Qamaýǵa alynǵan aýrýhananyń bas dárigeri Qanat Tezekbaevtyń áieli ázir Niý-Iorkte júrgen Toqaevtan arasha surap, tergeýdiń Serik Kúdebaevtyń (Almaty qalasy politsiia departamentiniń basshysy) uly qaitys bolǵan soń jáne eshbir negizsiz, dálelsiz bastalyp ketkenine shaǵymdandy, dep habarlaidy Dalanews.kz.
Dina Tezekbaevanyń aitýynsha, jazdyń ortasynda 29 jastaǵy Nursultan Kúdebaev jol-kólik apatyna túsip, №4 aýrýhanaǵa jetkizilgen. Oǵan sol arada ota jasalǵan. Keiinnen shuǵyl túrde Germaniiadaǵy aýrýhanaǵa jetkizilip, sol kóz jumǵan.
"Kúdebaevtyń uly qaitys bolǵannan keiin, operatsiiadan keiin 26 kún ótkesin, joldasymdy sebebin aitpastan №4 aýrýhananyń bas dárigeri qyzmetinen bosatyp, kepildikpen bosap shyǵý quqyǵynan aiyryp, qamaýǵa alyp tyndy.
-№4 aýrýhanada jol-kólik apatyna túsken Nursultan Kúdebaevqa operatsiia jasalǵan kezde kúieýim eki kómekshiniń biri boldy jáne ota jasaǵan hirýrgpen, taǵy bir kómekshimen, anesteziolog-dáriger jáne medbikemen birge bir palatada bolǵan. Ol otanyń nátijesine tikelei jaýap bermeidi., - deidi bas dárigerdiń jubaiy.
Dina Tezekbaeva tergeý Kúdebaevtyń ulynyń ólimine dáriger salǵyrttyǵy sebep bolǵan dálelder usynǵan joq, dep esepteidi.
"Kerek deseńizder marqumnyń júreginiń toqtap qalýyna jaýyryny men buǵanasyna jasalǵan operatsiia keri áser etti degen tikelei dálel joq", - deidi Dina Tezekbaeva
Al ázir Niý-Iorkte júrgen Qazaqstan prezidenti twitter-inde osy oqiǵaǵa bailanysty pikir bildirdi.
"Men Niý-Iorkte júrip, Germaniiada naýqastyń qaitys bolýyna bailanysty Almatynyń 4-shi qalalyq aýrýhanasynyń bas dárigeri men anesteziologynyń ustalýy týraly dárigerler qaýymynyń hatyn oqydym.
Bárin zańǵa sáikes tekserýdi tapsyrdym. Prezident ákimshiligi, QR Densaýlyq saqtaý ministrligi, Almaty qalasynyń ákimi bul isti baqylaýyna aldy", degen jazba shyqty QR Prezidenti Qasym-Jomart Toqaevtyń twitter-degi paraqshasynda.
https://twitter.com/TokayevKZ/status/1176794561273839616
Tezekbaevtyń áriptesteri dárigerdi kepildikpen bosatýdy talap etýde. Dárigerdiń dosy, ári áriptesi Qairat Smaǵulov Nur Otan partiiasy tóraǵasynyń orynbasary Baýyrjan Baibekke hat joldapty.
"Búkil ǵumyryn adamǵa arnaǵan, ajal ushynda turǵan talai taǵdyrdyń ómirin aman saqtap qalǵan dárigerdi abaqtyǵa jabý kimge kerek boldy? Ony tergeý izoliatoryna qamaýdyń qajeti bar ma edi? Biz onyń aqtalyp shyǵaryna senemiz. Alaida mundai aýyr soqqydan keiin onyń kúrdeli operatsiia jasaýy neǵaibyl..., - deidi Smaǵulov.
Aita ketsek, Nursultan Kúdebaev 2019 jyly tamyz aiynyń aiaǵynda qaitys boldy. Ol Alataý aýdany prokýrorynyń orynbasary qyzmetin atqarǵan. Nursultan Kúdebaevtyń artynda úsh balasy qaldy.
Qamaýǵa alynǵan №4 aýrýhananyń bas dárigeri men anesteziologyna "meditsinalyq jáne farmatsevtikalyq qyzmetkerdiń kásibi mindetin tiisti deńgeide oryndamaǵany úshin" degen aiyp taǵyldy.
