Árıne, barlyq tirshiligi malǵa baılanysty kóshpeli qazaqtyń malyn túgeldeı kolhozǵa alyp, zorlyqpen ujymdastyrý ashtyqtyń basty sebebi boldy.
Biraq! Patsha úkimeti ózderiniń otarlaý saıasatyn tabandylyqpen júrgize otyryp, qazaqty kóshpeli ómir saltynda ustaýǵa tyrysty. Qazaqtardyń eginshilikke kóship, otyryqshylyq turmys qurýy olarǵa paıdasyz edi.
Ol qazaqtardyń qunarly, eginshilikke jaramdy, ózen-sýly jerlerge ornalasýyna soqtyratyn. Onyń úlken áleýmettik ózgeristerge: jaıly qystaqtarǵa shoǵyrlanýyna, óndirgish kúshteriniń ósýine, uıymshyldyǵynyń artýyna, oqýǵa túsýge múmkinshilik týyp, ulttyq sanasynyń artýyna aparatynyn boljaı bildi. Ondaı jaǵdaı sózsiz otarlyq júıege qater týdyratyn.
Onyń ústine qazaqtardyń eginshiliginiń órkendeýi orys kópesteri men mujyqtarynyń óndiretin, satatyn bıdaıyna básekeshil bolý qaýpi de Reseıdi shoshyndyratyn...
Otyryqshylyqqa aınaldyrý ıdeıasy, árıne, durys edi. Qatelik – qazaqtardyń kúshtep, zorlap ujymdastyrýyna baılanysty júrgizilgen ádisinde, ýaqyt keńistiginiń azdyǵynda jatyr.
«Qyzyldar qyrǵyny» kitabynyń negizinde ázirlendi
