⠀
Búgin táýelsiz jýrnalist, mediamenedjer Áset Mataev QR Parlament Májilisi depýtattarynyń kezekten tys sailaýyna túsý úshin kandidatýrasy tirkelgeni týraly kýálik aldy. Sailaý 19 naýryzda ótedi.
⠀
«Dostar, márege jetip qaldyq! Bir aptadan soń sailaýaldy jumystyń jariia kezeńi bastalady jáne men naqty josparlarymdy aityp bere alamyn. Sizderdiń qoldaýlaryńyzdy sezinip jatyrmyn, jazǵan ár jyly sózderińiz úshin rahmet», - dedi Áset Mataev óziniń Telegram-arnasynda.
⠀
Áset Mataev №5 okrýgte tirkeldi. Oǵan Bostandyq, Medeý jáne Naýryzbai aýdandary jatady.
⠀
Qazaqstan boiynsha sailaýǵa 29 birmandatty okrýgten barlyǵy 609 kandidat túsedi.
⠀
Eske sala keteiik, Áset Mataev sailaýǵa túskisi keletinin 1 aqpanda málimdegen edi. QazTAG aqparattyq agenttiginiń basshysy Áset Mataev pen onyń ákesi, Jýrnalister odaǵynyń basshysy Seiitqazy Mataev saiasi sebepterge bailanysty zańsyz sottalǵan.
2022 jylǵy shildede tórtinshi talpynystan soń Joǵary Sot Áset pen Seiitqazy Mataevty tolyǵymen aqtady.
⠀
Osyǵan deiin Áset Mataev birneshe ózekti máselelerge qatysty ustanymyn jetkizdi. Ol Almatynyń Naýryzbai aýdanyndaǵy sý tapshylyǵy máselesin kóterip, jańa «Mass-media týraly» zań jobasyna qatysty usynystaryn bólisti. Sondai-aq Túrkiia men Siriiadaǵy qaiǵyly oqiǵany eskere otyryp Almatyda jer silkingen jaǵdaida qandai qaýipsizdik sharalary qajet ekenin naqtylap, usynystar jasap, oi tolǵady.
