«WorldSkills Shygys – 2019» aimaqtyq kásibi sheberlik chempionaty «Rýhani jańǵyrý» baǵdarlamasyn júzege asyrý jáne «Jastar» jastar jyly aiasynda aimaq kolledjderi men joǵary oqý oryndarynyń 270-ten astam stýdentteri men túlekteriniń qatysýymen 18 den 22 jas aralyǵyndaǵy stýdentter men jumysshy jastar arasynda 43 quzyrettilik boiynsha ótkizilmek.
Sonymen qatar, chempionat aiasynda múmkindigi shekteýli jandar arasynda «Shashtaraz isi», «Aqparattyq tehnologiialar» jáne «Sán tehnologiiasy» mamandyqtary boiynsha I aimaqtyq «Abilympics Shygys – 2019» kásibi sheberlik chempionaty ótedi.
Shyǵystyń bas shaharynda bastaý alyp, úsh kúnge sozylatyn chempionat jeńimpazdary respýblikalyq dodaǵa joldama alady.
– Bizdiń óńirdiń jastary shyn máninde bilimdi, bilikti. Sózimizge ótken jylǵy chempionat qortyndysy dálel. Álemdik dodada 8 órenimizdiń jeńiske jetkenin bilesizder. Sol sebepti barlyǵy bizdiń aimaqtan úlken nátije kútedi. Ekinshi qyrynan, biz jumysshy mamandyqtarynyń bedelin arttyryp, jastardyń óz isiniń sheberi bolyp qalyptasýyna zor yqpal etýdemiz, – dedi ShQO ákiminiń orynbasary Ásem Núsipova.
