«WorldSkills Shygys – 2019» ايماقتىق كاسىبي شەبەرلىك چەمپيوناتى «رۋحاني جاڭعىرۋ» باعدارلاماسىن جۇزەگە اسىرۋ جانە «Jastar» جاستار جىلى اياسىندا ايماق كوللەدجدەرى مەن جوعارى وقۋ ورىندارىنىڭ 270-تەن استام ستۋدەنتتەرى مەن تۇلەكتەرىنىڭ قاتىسۋىمەن 18 دەن 22 جاس ارالىعىنداعى ستۋدەنتتەر مەن جۇمىسشى جاستار اراسىندا 43 قۇزىرەتتىلىك بويىنشا وتكىزىلمەك.
سونىمەن قاتار، چەمپيونات اياسىندا مۇمكىندىگى شەكتەۋلى جاندار اراسىندا «شاشتاراز ءىسى»، «اقپاراتتىق تەحنولوگيالار» جانە «ءسان تەحنولوگياسى» ماماندىقتارى بويىنشا I ايماقتىق «Abilympics Shygys – 2019» كاسىبي شەبەرلىك چەمپيوناتى وتەدى.
شىعىستىڭ باس شاھارىندا باستاۋ الىپ، ءۇش كۇنگە سوزىلاتىن چەمپيونات جەڭىمپازدارى رەسپۋبليكالىق دوداعا جولداما الادى.
– ءبىزدىڭ ءوڭىردىڭ جاستارى شىن مانىندە ءبىلىمدى، بىلىكتى. سوزىمىزگە وتكەن جىلعى چەمپيونات قورتىندىسى دالەل. الەمدىك دودادا 8 ورەنىمىزدىڭ جەڭىسكە جەتكەنىن بىلەسىزدەر. سول سەبەپتى بارلىعى ءبىزدىڭ ايماقتان ۇلكەن ناتيجە كۇتەدى. ەكىنشى قىرىنان، ءبىز جۇمىسشى ماماندىقتارىنىڭ بەدەلىن ارتتىرىپ، جاستاردىڭ ءوز ءىسىنىڭ شەبەرى بولىپ قالىپتاسۋىنا زور ىقپال ەتۋدەمىز، – دەدى شقو اكىمىنىڭ ورىنباسارى اسەم ءنۇسىپوۆا.
