Óz kezeginde ziialy qaýym qarttardan góri jastardyń tártibine nazar aýdaryp, tyǵylyp toi jasaý ádetinen tyiylý, halyqtan otandastarymyzdyń amandyǵyn saqtaýǵa bir adamdai jumylyp, at salysýǵa shaqyrdy.
– Buryn-sońdy bolmaǵan mynadai náýbet kezinde birigeiik, birlesip jumys isteiik, bir-birimizdi tyńdaiyq. Joǵarydan berilip jatqan mindettemelerdi oryndaiyq. Qart býannyń tártibine senemin. Mynaý jastardyń tártibine kóńil aýdaryp otyrmyn. Jiyn, toi jasaýdy doǵarý kerek. Memleketimizdi bailyǵy – halyq. Árqaisymyz bir-birimizge adal bolaiyq, bir-birimizge qorǵanysh bolaiyq, bir-birimizdi saqtaiyq, – dep KSRO halyq ártisi, Qazaqstannyń Eńbek eri Asanáli Áshimov halyqty saq bolýǵa shyqyrdy.
Qazir Almatyda «Betperdeni umytpa, ómirińdi saqtap qal» degen uranmen betperde taǵý mańyzdylyǵyn nasihattaý aktsiiasy jalǵasýda. Búginge deiin halyq kóp jinalatyn oryndarda jáne kóshe boiynda 36 265 aqparattyq taqtaishalar ilingen.
Led-ekrandarda da Kovid-19-dan saqtaný sharalary týraly beinerolikter kórsetilip jatyr. Igi sharanyń basty maqsaty – qaladaǵy epid-ahýaldy turaqtandyrý.
