Asa iri alaiaqtyq jasady degen kúdikti Chehiiadan ekstraditsiialandy, - dep habarlaidy Dalanews.kz.
Búgin Bas prokýratýra men Ishki ister ministrliginiń qyzmetkerleri QR Syrtqy ister ministrliginiń kómegimen kúdikti "J"-ny asa iri kólemde alaiaqtyq jasaǵany úshin qylmystyq jaýaptylyqqa tartý maqsatynda Chehiiadan ekstraditsiialady.
"Ol 2021 jyldyń kókteminde jábirlenýshige halyq tutynatyn taýarlardy Qazaqstannan Reseige tasymaldaý qyzmetin usynyp, odan keiin aldaý arqyly jábirlenýshiniń 19 million teńgege jýyq taýaryn iemdenip, ony basqa tulǵalarǵa satyp, aqshasyn jymqyrǵan degen kúdikke ilingen", - dep jazylǵan habarlamada.
Qylmys jasaǵannan keiin kúdiktiniń jasyrynýyna bailanysty oǵan halyqaralyq izdeý jariialandy.
Biyl qańtarda ol Chehiiada ustaldy.
Qazirgi ýaqytta kúdikti ýaqytsha ustaý izoliatoryna qamaldy.
Aiyptalǵan qylmysty jasaǵany úshin múlki tárkilenip, 5 jyldan 10 jylǵa deiingi merzimge bas bostandyǵynan aiyrý túrindegi jaza qarastyrylǵan.
