Astanada bilim berý uiymdarynyń birneshe qyzmetkerine áleýmettik aýdarymdar jasalmaǵany anyqtaldy, dep habarlaidy Dala News.
Astana qalasynyń «Almaty» aýdany prokýratýrasy júrgizgen taldaý barysynda bilim berý uiymdarynyń birinde tórt qyzmetkerdiń quqyqtary buzylǵany belgili bolǵan.
Prokýratýra málimetinshe, qyzmetkerler qatelesip jasyna bailanysty zeinetkerler sanatyna engizilgen, sonyń saldarynan olarǵa uzaq ýaqyt boiy áleýmettik aýdarymdar júrgizilmegen.
Alaida bul qyzmetkerler eńbek sińirgen jyldary úshin zeinetaqy alady jáne qoldanystaǵy zańnamaǵa sáikes mindetti áleýmettik saqtandyrý júiesine qatysýy tiis.
Nátijesinde 2023–2025 jyldar aralyǵynda olardyń paidasyna Memlekettik áleýmettik saqtandyrý qoryna aýdarymdar jasalmaǵan.
Prokýratýranyń aralasýynan keiin zańbuzýshylyqtar joiylyp, qyzmetkerlerdiń quqyqtary qalpyna keltirildi. Jalpy 909 936 teńge kóleminde áleýmettik aýdarymdar tólendi, al kináli laýazymdy tulǵa tártiptik jaýapkershilikke tartyldy.
Qadaǵalaý organy azamattardyń eńbek jáne áleýmettik quqyqtaryn qorǵaý prokýratýranyń turaqty baqylaýynda ekenin atap ótti.
