استانادا ءبىلىم بەرۋ ۇيىمدارىنىڭ بىرنەشە قىزمەتكەرىنە الەۋمەتتىك اۋدارىمدار جاسالماعانى انىقتالدى، دەپ حابارلايدى Dala News.
استانا قالاسىنىڭ «الماتى» اۋدانى پروكۋراتۋراسى جۇرگىزگەن تالداۋ بارىسىندا ءبىلىم بەرۋ ۇيىمدارىنىڭ بىرىندە ءتورت قىزمەتكەردىڭ قۇقىقتارى بۇزىلعانى بەلگىلى بولعان.
پروكۋراتۋرا مالىمەتىنشە، قىزمەتكەرلەر قاتەلەسىپ جاسىنا بايلانىستى زەينەتكەرلەر ساناتىنا ەنگىزىلگەن، سونىڭ سالدارىنان ولارعا ۇزاق ۋاقىت بويى الەۋمەتتىك اۋدارىمدار جۇرگىزىلمەگەن.
الايدا بۇل قىزمەتكەرلەر ەڭبەك سىڭىرگەن جىلدارى ءۇشىن زەينەتاقى الادى جانە قولدانىستاعى زاڭناماعا سايكەس مىندەتتى الەۋمەتتىك ساقتاندىرۋ جۇيەسىنە قاتىسۋى ءتيىس.
ناتيجەسىندە 2023–2025 جىلدار ارالىعىندا ولاردىڭ پايداسىنا مەملەكەتتىك الەۋمەتتىك ساقتاندىرۋ قورىنا اۋدارىمدار جاسالماعان.
پروكۋراتۋرانىڭ ارالاسۋىنان كەيىن زاڭبۇزۋشىلىقتار جويىلىپ، قىزمەتكەرلەردىڭ قۇقىقتارى قالپىنا كەلتىرىلدى. جالپى 909 936 تەڭگە كولەمىندە الەۋمەتتىك اۋدارىمدار تولەندى، ال كىنالى لاۋازىمدى تۇلعا تارتىپتىك جاۋاپكەرشىلىككە تارتىلدى.
قاداعالاۋ ورگانى ازاماتتاردىڭ ەڭبەك جانە الەۋمەتتىك قۇقىقتارىن قورعاۋ پروكۋراتۋرانىڭ تۇراقتى باقىلاۋىندا ەكەنىن اتاپ ءوتتى.
