Biyl da tańnan Qyzdar ýniversitetiniń ujymy bir-birimen qushaq jaia amandasyp, aidan aman, jyldan esen shyqqanyna qýanyp, aq tilekter aityp, án men kúi terbelgen airyqsha jaǵdaida atap ótti.
Qazaq memlekettik qyzdar pedagogikalyq ýniversitetiniń rektory Dinar Nóketaeva merekeniń mańyzdylyǵyna toqtalyp ótip, barsha qaýymdy kóktemniń shýaqty da, mereili merekesimen quttyqtady.
– Bul merekede dástúr boiynsha, aǵaiyn áýlettiń bas iesine, aýyl-aimaq aýyldyń úlken aqsaqalyna, jasy kishiler úlkenderge arnaiy baryp, hal-jaǵdailaryn, otbasy amandyǵyn surap, qol berip kórisip, «bir jasymen» quttyqtap, aq batalaryn alǵan. Qandai keremet dástúr. Alysty jaqyndatatyn, ókpeni keshiretin, tatýlyqty arttyratyn qandai tamasha mereke. Biz dástúrimizdi saqtaý, Ulystyń uly kúnin qadirleý arqyly ulttyq qundylyqtarymyzdy, salt-dástúrimizdi saqtai otyryp, urpaqtan-urpaqqa miras ete alamyz. Amal merekesimen bastalatyn Naýryz elimizge qut-berekesimen, molshylyǵymen kelip, árbir shańyraqqa qýanysh pen shattyq syilasyn. Barshańyzǵa denderińizge saýlyq, qyzmetterińizge mol tabys, otbasylaryńyzǵa qýanysh pen shattyq, baqyt pen bereke tileimin!, – dedi D.Nóketaeva.
Kórisýmen bastalǵan amal merekesi bir emes, Arýlar ordasynyń birneshe ǵimarattarynda atap ótildi. Ónerpaz qyzdar ánnen shashý shashsa, jigitter kúmbirlete kúi shertti. Qyzdar ýniversitetiniń aýzy dýaly apa-ájelerimiz qasietti adyraspan shóbimen «Alastaý» rásimin jasap, «Basymyzǵa baiandy baqyt qonsyn!», desse, oqý orynnyń aqsaqaldary «Jańbyrmen jer kóger, batamen el kóger» deitin dana halqymyzdyń saltymenen jastarǵa aq batasyn berdi. Merekede toqshylyqtyń basy, bereke bastaýy – jeti túrli dámnen jasalǵan Naýryz kóje taratylyp, merekelik shashý shashyldy. Shara parasat mektebi ónerpazdarynyń daiyndaýyndaǵy merekelik kontserttik baǵdarlamamen jalǵasty.
Amal merekesine oqý orynnyń oqytýshy-professorlar quramy, oqý oryn ujymy men stýdentter qatysty.
«Qyzdar ýniversiteti» media ortalyǵy
