Taiaýda depýtat Baqytjan Bazarbek QR Aýyl sharýashylyǵy vitse-ministri Ábilqaiyr Tamabekke:
– Eger jumys istei almasańdar, depýtattar seni de, ministrdi de jumystan qýady, – dep syn aitqan bolatyn. Halyq qalaýlysynyń osy sózi Qoshanovtyń Bazarbekke shúiligýine sebep bolǵan. Óz kezeginde Erlan Qoshanov:
– Baqytjan Jumabekuly, eń aldymen, depýtattyq etikany saqtańyz! Agressiiasyz sóileńiz! Ekinshiden, siz qoiǵan suraqtyń mańyzy zor ekenin túsinemin. Búginde «Jer Amanat» komissiiasynyń arqasynda 10 million gektardai jer qaitaryldy. Bul komissiiasynyń jumysy ekenin bárimiz bilemiz. Al sizdiń jeke suraǵyńyzda jerdiń ádileti álde ádiletsiz bólingenin qatysty bolyp tur. Bul jergilikti atqarýshy organdarǵa qoiylatyn suraq. Bul másele ýákiletti organdardyń jaýapkershiligine qatysy joq másele, – dep Qoshanov jer máselesin ótkir kóterip júrgen depýtatty sabyrǵa shaqyrdy.
Osylaisha Erlan Qoshanov Baqytjan Bazarbaektiń esine «Jer amanaty» komissiiasynyń quramyna Bas prokýratýra, QR Aýyl sharýashylyǵy ministrliginiń basshylyǵy, jer resýrstary komitetiniń basshysy, depýtattar, qoǵam ókilderi kiretinin eske salyp, komissiianyń otyrysynda barlyq tarapqa ózin mazalaǵan suraqtardy qoiatyn múmkindigi bar ekenin qadap turyp aitty.
– Baqytjan Jumabekuly taǵy da qaitalap aitamyn, men palata basshysy retinde reglamenttiń saqtalýyn qadaǵalaýǵa tiispin. Sondyqtan sizge eskertý jasaimyn! – dedi Erlan Qoshanov.
