تاياۋدا دەپۋتات باقىتجان بازاربەك ق ر اۋىل شارۋاشىلىعى ۆيسە-مينيسترى ءابىلقايىر تامابەككە:
– ەگەر جۇمىس ىستەي الماساڭدار، دەپۋتاتتار سەنى دە، ءمينيستردى دە جۇمىستان قۋادى، – دەپ سىن ايتقان بولاتىن. حالىق قالاۋلىسىنىڭ وسى ءسوزى قوشانوۆتىڭ بازاربەككە شۇيلىگۋىنە سەبەپ بولعان. ءوز كەزەگىندە ەرلان قوشانوۆ:
– باقىتجان جۇمابەك ۇلى، ەڭ الدىمەن، دەپۋتاتتىق ەتيكانى ساقتاڭىز! اگرەسسياسىز سويلەڭىز! ەكىنشىدەن، ءسىز قويعان سۇراقتىڭ ماڭىزى زور ەكەنىن تۇسىنەمىن. بۇگىندە «جەر امانات» كوميسسياسىنىڭ ارقاسىندا 10 ميلليون گەكتارداي جەر قايتارىلدى. بۇل كوميسسياسىنىڭ جۇمىسى ەكەنىن ءبارىمىز بىلەمىز. ال ءسىزدىڭ جەكە سۇراعىڭىزدا جەردىڭ ادىلەتى الدە ادىلەتسىز بولىنگەنىن قاتىستى بولىپ تۇر. بۇل جەرگىلىكتى اتقارۋشى ورگاندارعا قويىلاتىن سۇراق. بۇل ماسەلە ۋاكىلەتتى ورگانداردىڭ جاۋاپكەرشىلىگىنە قاتىسى جوق ماسەلە، – دەپ قوشانوۆ جەر ماسەلەسىن وتكىر كوتەرىپ جۇرگەن دەپۋتاتتى سابىرعا شاقىردى.
وسىلايشا ەرلان قوشانوۆ باقىتجان بازارباەكتىڭ ەسىنە «جەر اماناتى» كوميسسياسىنىڭ قۇرامىنا باس پروكۋراتۋرا، ق ر اۋىل شارۋاشىلىعى مينيسترلىگىنىڭ باسشىلىعى، جەر رەسۋرستارى كوميتەتىنىڭ باسشىسى، دەپۋتاتتار، قوعام وكىلدەرى كىرەتىنىن ەسكە سالىپ، كوميسسيانىڭ وتىرىسىندا بارلىق تاراپقا ءوزىن مازالاعان سۇراقتاردى قوياتىن مۇمكىندىگى بار ەكەنىن قاداپ تۇرىپ ايتتى.
– باقىتجان جۇمابەك ۇلى تاعى دا قايتالاپ ايتامىن، مەن پالاتا باسشىسى رەتىندە رەگلامەنتتىڭ ساقتالۋىن قاداعالاۋعا ءتيىسپىن. سوندىقتان سىزگە ەسكەرتۋ جاسايمىن! – دەدى ەرلان قوشانوۆ.
