Sanitariialyq-epidemiologiialyq baqylaý komiteti Ońtústik-Shyǵys Aziia elderine barýdy josparlaǵan týristerge Nipah virýsyna bailanysty eskertý jasady, dep habarlaidy Dalanews.kz.
Mamandardyń aitýynsha, sapar kezinde jeke gigiena talaptaryn saqtaý qajet: qoldy sabynmen jii jýý ne antiseptik qoldaný usynylady. Sondai-aq, jarqanat, shoshqa jáne ózge janýarlarmen bailanystan aýlaq bolǵan jón.
Týristerge tek qaýipsiz aýyzsýdy ishý, shiki qurma shyrynyn ishpeý jáne janýarlar lastaýy múmkin ónimderdi tutynbaýǵa keńes berildi. Jemis-jidek pen kókónisti jer aldynda muqiiat jýyp, tazalaý qajet.
Dárigerlerdiń málimetinshe, joǵary temperatýra, jótel, qatty bas aýrýy sekildi belgiler baiqalsa, dereý meditsinalyq kómekke júginý kerek.
Aita keteiik, Nipah virýsy zoonoz infektsiiaǵa jatady. Ol adamǵa janýarlardan, sonyń ishinde jarqanattar men shoshqalardan, aýrý juqtyrǵan adammen tyǵyz bailanystan juǵady. Lastanǵan taǵamdar men sýsyndar arqyly da berilýi múmkin.
Aýrý joǵary temperatýra, bas aýrýy, jalpy álsizdik, al aýyr jaǵdailarda ortalyq nerv júiesi zaqymdalýy jáne pnevmoniia arqyly kórinedi. Búginde Nipah virýsyna qarsy arnaiy em jáne maquldanǵan vaktsina joq.
