مامانداردىڭ ايتۋىنشا، ساپار كەزىندە جەكە گيگيەنا تالاپتارىن ساقتاۋ قاجەت: قولدى سابىنمەن ءجيى جۋۋ نە انتيسەپتيك قولدانۋ ۇسىنىلادى. سونداي-اق، جارقانات، شوشقا جانە وزگە جانۋارلارمەن بايلانىستان اۋلاق بولعان ءجون.

تۋريستەرگە تەك ءقاۋىپسىز اۋىزسۋدى ءىشۋ، شيكى قۇرما شىرىنىن ىشپەۋ جانە جانۋارلار لاستاۋى مۇمكىن ونىمدەردى تۇتىنباۋعا كەڭەس بەرىلدى. جەمىس-جيدەك پەن كوكونىستى جەر الدىندا مۇقيات جۋىپ، تازالاۋ قاجەت.

دارىگەرلەردىڭ مالىمەتىنشە، جوعارى تەمپەراتۋرا، جوتەل، قاتتى باس اۋرۋى سەكىلدى بەلگىلەر بايقالسا، دەرەۋ مەديسينالىق كومەككە جۇگىنۋ كەرەك.

ايتا كەتەيىك، نيپاح ۆيرۋسى زوونوز ينفەكسياعا جاتادى. ول ادامعا جانۋارلاردان، سونىڭ ىشىندە جارقاناتتار مەن شوشقالاردان، اۋرۋ جۇقتىرعان اداممەن تىعىز بايلانىستان جۇعادى. لاستانعان تاعامدار مەن سۋسىندار ارقىلى دا بەرىلۋى مۇمكىن.

اۋرۋ جوعارى تەمپەراتۋرا، باس اۋرۋى، جالپى السىزدىك، ال اۋىر جاعدايلاردا ورتالىق نەرۆ جۇيەسى زاقىمدالۋى جانە پنيەۆمونيا ارقىلى كورىنەدى. بۇگىندە نيپاح ۆيرۋسىنا قارسى ارنايى ەم جانە ماقۇلدانعان ۆاكسينا جوق.