Elordada órt qaýipti kezeńi bastalǵaly beri qalyptasqan ahýal, apattyń aldyn alý sharalary men qaýipsizdik talaptarynyń saqtalýy jóninde Astana qalasy Tótenshe jaǵdailar departamentiniń Memlekettik órt baqylaý basqarmasynyń basshysy Ádil Brataev Kommýnikatsiialar qyzmetinde ótken brifingte aityp berdi, - dep habarlaidy Dalanews.kz
Biyl mamyr aiynan bastap «Astana-Ormany» JShS jasyl beldeýdi mehanikalyq óńdeý jumystaryn aýqymdy túrde júrgizip keledi. Búgingi kúnge deiin jalpy aýmaǵy 390 gektar jerge jyrtý jáne tyrmalaý jumysy júrgizilgen, bul shamamen 600 shaqyrymdyq órtke qarsy jolaqqa sáikes keledi. Salystyra ketsek, 2024 jyly bul kórsetkish 360 gektardy quraǵan.
Jasyl aimaqta júrgizilip jatqan profilaktikalyq jumys órttiń aldyn alý sharalar josparyna sai júzege asýda jáne shetki orman alqaptarynda órt shyǵý qaýpin azaitýǵa baǵyttalǵan. Sebebi bul aýmaqtarda aýa temperatýrasy joǵary ári qurǵaq aýa raiy órt shyǵý qaýpin arttyrady.
TJD mamandarynyń aitýynsha, órttiń negizgi sebepteriniń biri – qoqysty jinaý jáne joiý kezinde órt qaýipsizdigi erejeleriniń buzylýy. Biyl sáýir men maýsym ailary aralyǵynda reidtik is-sharalar barysynda departament qyzmetkerleri 10 ret órt qaýipsizdigi talaptarynyń buzylǵanyn anyqtaǵan.
Órt qaýipsizdigi erejeleriniń 59-tarmaǵyna sáikes, menshik nysanyna qaramastan eldi mekender men uiymdardyń aýmaqtary órtke qarsy alshaqtyq aimaqtarynda janǵysh qaldyqtardan, qoqystan, qurǵaq shópten jáne basqa da tez tutanatyn materialdardan ýaqytyly tazartylýy tiis.
Brifing sońynda TJD ókili elorda turǵyndary men qonaqtaryna órt qaýipsizdigi talaptaryn saqtaýǵa shaqyrdy.
«Árqaisymyz ortaq igilikke jaýaptymyz. Sizdiń saqtyq tanytýyńyz – qalanyń qaýipsizdigine qosqan úlesińiz. Qala turǵyndarynan qyraǵylyq tanytýdy, arnaiy belgilenbegen oryndarda ot jaqpaýdy, qoqysty ýaqytyly jinaýdy jáne órt shyqqan jaǵdaida 112 nómirine habar berýdi suraimyz», – dep astanalyqtarǵa úndeý jasady TJD ókili.
