Arqalyqta meiramhanada ótken toidan keiin 150-den astam qonaq ýlanyp qaldy degen aqparat tarady, dep habarlaidy Dalanews.kz.
Áleýmettik jelilerde Arqalyq qalasyndaǵy meiramhanada ótken otbasylyq merekeden keiin adamdar jappai ýlanyp qalǵany týraly habarlama tarady.
Mereke men jaǵdaidyń sebebi
Threads platformasynda jazba jariialaǵan avtordyń aitýynsha, olar týysynyń 60 jyldyq mereitoiyn atap ótken. Alaida merekeden keiin kóptegen qonaqtar ózderin jaisyz sezine bastaǵan.
Avtordyń aitýynsha, Qostanai oblysynda ótken toidan keiin 150-den astam adam, onyń ishinde ata-anasy da bar, ýlaný belgilerin baiqaǵan. Mereke Arqalyq qalasyndaǵy meiramhanada ótken.
Resmi aqparat ázirge joq
Qazirgi ýaqytta jergilikti bilik pen sanitarlyq qyzmet tarapynan resmi málimet jariialanǵan joq.
Oqiǵanyń mán-jaiy men ýlaný sebepteri anyqtalyp jatyr.
