Arnaiy jolaqtardy jaýyp tastaityn júrgizýshilerge qatań jaýapkershilik engizý qajet, dep málimdedi Májilis depýtaty Oljas Quspekov, dep habarlaidy Dala News.
Depýtattyń aitýynsha, eldi mekenderde arnaiy jolaqtar árdaiym ashyq bolýy tiis. Bul tek túsindirýmen shektelmeitin másele – infraqurylym, tártip jáne baqylaý qatar júrýi kerek.
Onyń pikirinshe, mundai jolaqtarda politsiia baqylaýyn kúsheitip, tótenshe jaǵdailardyń aldyn alýǵa jaǵdai jasaý qajet.
Quspekov arnaiy jolaqty jaýyp qoiǵan júrgizýshilerge qatysty jazany kúsheitýdi usyndy.
Atap aitqanda:
- iri aiyppul salý;
- júrgizýshi kýáliginen aiyrý.
Depýtattyń sózinshe, júrgizýshiler bul talaptardy óz qaýipsizdigi úshin saqtaýy tiis.
«Bir ǵana kedergi tótenshe jaǵdaida adam ómirine qaýip tóndirýi múmkin», – dedi ol.
Sondai-aq Quspekov bul máseleni tek jekelegen qala nemese turaq tapshylyǵy aiasynda emes, jalpy júieli problema retinde qarastyrý qajet ekenin atap ótti.
