Májilis depýtaty Oljas Quspekov Ulttyq bank janynan kriptovaliýtalardy saqtaityn memlekettik rezerv qurýdy usyndy. Búgin ol Úkimetke osyndai depýtattyq saýalmen júgindi, dep habarlaidy Dalanews.kz.
Depýtat parlamenttik baqylaý sheńberinde qarjy júiesiniń turaqtylyǵyna, azamattardyń qaýipsizdigine jáne memlekettik institýttardyń bedeline qaýip tóndiretin tsifrlyq aktivterdi retteý salasyndaǵy júieli olqylyqtar men táýekelder anyqtalyp otyrǵanyn basa atap ótti.
"Birinshiden, bizde osy ýaqytqa deiin qylmystyq ister sheńberinde tárkilengen kriptoaktivterdi saqtaý máselesi rettelmegen. Tiisti quqyqtyq tehnikalyq tetiktiń bolmaýy úshinshi tulǵalar arqyly osy aktivterdi joǵaltý, urlaý jáne zańdastyrý táýekelderin týdyrady. Ekinshiden, ózin kriptokoých dep ataityn bloger-symaqtardyń qyzmeti arqyly jastar kóleńkeli kripto naryqqa jappai tartylýda. Arnaiy litsenziiasy joq bul adamdar zańsyz platformalardyń qyzmetin jarnamalai otyryp, iaǵni osylaisha zańnamany buzýda azamattarǵa kepildendirilgen kiristi ýáde etedi. Úshinshiden, ekinshi deńgeidegi jekelegen bankter quqyqtyq alańnan tys kripto naryqtaǵy operatsiialarǵa qyzmet kórsetý úshin tartylýda", - dedi Oljas Quspanov Májilistiń jalpy otyrysynda.
Ol Qarjylyq monitoringi agenttiginiń derekterin de alǵa tarta ketti. Oǵan sáikes, ekinshi deńgeidegi 10 banktiń shottary arqyly 4,2 mlrd teńgeden astam somaǵa operatsiialar jasalǵan.
"Ishki baqylaý mehanizmderi kóp jaǵdaida qoldanylmaidy. Belgilengen zańdaǵy tyiymdarǵa qaramastan, litsenziiasy joq kripto birjalar is júzinde jumysyn jalǵastyrýda. Olardyń qyzmeti App Store jáne Play Market-te qoljetimdi, buqaralyq is-sharalarǵa tartylyp, áleýmettik jelilerdi qosa alǵanda, emin-erkin jarnamalanýda. 2023 jyly Qazaqstandaǵy kripto ainalymynyń 86,2% - y, iaǵni 3,5 mlrd dollar zańsyz segment arqyly ótti", - dedi depýtat.
Sondyqtan depýtat Ulttyq bank janynan alynǵan kriptoaktivterdi saqtaý úshin memlekettik tsifrlyq rezerv qurý máselesin qaraýdy usynady.
Sondai-aq, ol osy qyzmetti mindetti túrde litsenziialaýǵa jatqyza otyryp, zańnamaǵa investitsiialyq koýching uǵymyn engizýdi, al zań buzýshylardyń akkaýnttaryn buǵattaýdy da usynady.
"Aqsha aýdarymdaryna aýdit júrgizý, bankter tarapynan talaptardyń saqtalýyna qatysty ishki baqylaýdy kúsheitý qajet. Litsenziiasy joq kripto birjalardyń saittary men qosymshalaryn buǵattaýǵa bastamashy bolyp, sondai - aq ruqsat etilgen platformalardyń resmi tizimin jariialaý qajet", - dep sózin túiindedi depýtat.
Memlekettik kirister komitetiniń dereginshe, Qazaqstanda resmi túrde 75 mainer tirkelgen.
"Sońǵy úsh jylda salyqtardyń barlyq túrleri boiynsha salyqtyq túsimderdegi olardyń úlesi 17,7 mlrd teńgeni qurady, onyń ishinde tsifrlyq maining tólemi 11,6 mlrd teńge bolady. 2024 jylǵy salyqtyq tekserýler kezinde 4,9 mlrd teńgege salyqtardy qosymsha esepteýge ákelip soqqan buzýshylyqtar anyqtaldy, onyń ishinde: 2,3 mlrd teńge — tsifrlyq maining úshin tólem, 2,6 mlrd teńge korporativtik tabys salyǵy quraidy", - dep habarlady MKK.
