Jambyl oblysynda iri qarasora alqaby joiyldy, dep habarlaidy dalanews.kz.
Óńirde avtonomdy elektr qýatymen jabdyqtalǵan jáne sýarý júiesimen qamtylǵan úndi qarasorasy ósirilgeni anyqtalǵan. Jasyryn alqapty anyqtaý úshin áýe barlaýy qoldanylǵan.
Ushqyshsyz ushý apparattary kómegimen jáne jedel qyzmetkerlerdiń úilesimdi is-qimyly nátijesinde kúdikti qylmys ústinde ustalǵan. Ol - buryn birneshe ret sotty bolǵan Taraz qalasynyń 40 jastaǵy turǵyny. Kúdikti quramynda esirtkisi bar ósimdikterdi óńdep, basqa óńirlerge aparyp, kóterme baǵamen satýdy kózdegen.
"Tintý barysynda jalpy salmaǵy 438 keli bolatyn, biiktigi eki metrden asatyn 50 túp qarasora, qaptama materialdar jáne arnaiy agrotehnikalyq jabdyqtar tárkilendi. Jedel qyzmetkerler nazaryna oq-dárileri bar, seriialyq nómiri óshirilgen Makarov tapanshasy ilikti. Sondai-aq, 12 kalibrli Baikal myltyǵy, oǵan arnalǵan oq-dáriler jáne esirtki tasymaldaýǵa paidalanylǵan jol talǵamaityn kólik tárkilendi. Bul derek boiynsha qylmystyq ister qozǵaldy. Kúdikti kinásin moiyndap, ýaqytsha ustaý izoliatoryna qamaldy", - dep jazylǵan habarlamada.
