Arystyq ardagerler rýhani astana - Túrkistan qalasynyń qurylysymen tanysty
Uly Jibek jolynyń boiyndaǵy kóne qala búginde túgel túrkiniń ortalyǵyna ainalyp, damýdyń dańǵyl jolyna tústi. Búgin Arys qalasy ákimdiginiń uiymdastyrýymen jergilikti ardagerler Túrki halyqtarynyń rýhani astanasy atanǵan Túrkistan qalasyna saparmen kelip, jańarǵan qalanyń qurylysymen tanysty, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmeti.
QR Prezidenti Qasym-Jomart Kemeluly: «Túrkistan tek qazaq halqynyń ǵana emes, kúlli túrki jurtynyń qasietti mekeni. Túrkistan – san ǵasyrlyq adamzat shejiresiniń kýágeri jáne órkeniet jaýhary. Qarap otyrsańyz, halqymyzdyń arǵy-bergi tarihynda el bastaǵan, qol bastaǵan tulǵalarymyz da asa jaýapty sátterde, kúrdeli saiasi sheshimder qabyldaityn ýaqyttarda Túrkistanǵa taǵzym ete barǵan. Tuńǵysh Prezidentimiz – Elbasy Nursultan Ábishuly Nazarbaev ta osy kieli topyraqqa at basyn buratynyn bilesizder», – degen bolatyn.
Arys qalasynyń ákimi Gúljan Qurmanbekova Mamytqyzy «Túrkistandy túletý qai jaǵynan alyp qaraǵanda da teńdessiz, uly bastama. Rýhani astanamyzdy damytýǵa barshamyz jaýaptymyz» dei kele kieli Túrkistanǵa jolǵa shyqqan eńbek ardagerlerine sát-sapar tiledi.
